Ժամանակը ցույց կտա՝ չագուչն ում գլխին կջարդվի․ Վահե Հակոբյան (video)
Պոպուլիզմը, մարդկանց աչքերին փոշի ցանելը շարունակվում է, իսկ իրականում կատարվում են քաղաքական հետապնդումներ և քաղաքական վենդետաներ: Այս մասին այսօր՝ օգոստոսի 3-ին, լրագրողների հետ զրույցում նշեց ԱԺ «Հայաստան» դաշինքի պատգամավոր, «Վերածնվող Հայաստան» կուսակցության նախագահ Վահե Հակոբյանը՝ անդրադառնալով Սյունիքի կալանավորված համայնքապետերին։
«Մարտնչող գրեթե բոլոր համայնքապետներն այսօր կալանավորված են և խնդրի դեպքում ո՞վ է փորձելու պաշտպանել Սյունիքի սահմանները։ Ես այստեղ տեսնում եմ միտում, ու մենք շուտով մենք կտեսնենք ցավոտ զիջումները, որոնց մասին հնչեցվել է այլ երկրների ղեկավարների կողմից»,- ասաց նա։
Լրագրողի դիտարկմանը, որ Փաշինյանը քարոզարշավի ընթացքում խոստացել էր, որ մուրճը կջարդվի կոմբինատի աշխատակիցների գլխին, Հակոբյանն արձագանքեց․ «Ժամանակը ցույց կտա՝ չագուչն ում գլխին կջարդվի»։
Հետևեք մեզ Viber-ում
