Դուք արժանի եք Նիկոլ Փաշինյանի խոստացած ապագային

Երասխի ուղությամբ ադրբեջանցիները կրակ են բացել սնունդ տեղափոխող մեքենայի վրա։ Մեքենան վնասվել է, տուժածներ չկան։ Այս փոքրիկ դիպվածը վերստին փաստում է խաղաղության չգոյության և սահմանների ամրության հարցը պետական թիվ մեկ գերակայություն հայտարարելու առաջնահերթության մասին։

Այսօր մեր երկրում չկա ավելի կարևոր հարց, քան սահմանների անվտանգությանն ուղղված միջոցառումներն են։ Իսկ ի՞նչ է անում հունիսի 20-ի ընտրությունների ժամանակ պողպատե մանդատ ստացած իշխանությունը։

1․ Ազգային ժողովի անվտանգության աստիճանն է բարձրացնում՝ այդ նպատակով ԱԺ դահլիճ մտնող բոլոր մուտքերի մոտ տեղադրելով անվտանգության սարքավորումներ։ Այսուհետ բոլորը, այդ թվում նաև պատգամավորներն ու լրագրողները ԱԺ դահլիճ ելումուտ անելիս պետք է անցնեն անվտանգության սարքի տակով։ Ընդ որում ԱԺ անվտանգության բարելավման աշխատանքները լինելու են շարունակական։
ԱԺ փոխխոսնակ Ալեն Սիմոնյանը, ով ըստ ԶԼՄ հրապարակումների, նոր գումարման ԱԺ-ում կարող է դառնալ ԱԺ նախագահ, հայտարարել է, որ բացի դահլիճի մոտ տեղադրված սարքավորումներից՝ էլի կլինեն որոշումներ, որոնք միտված կլինեն ԱԺ շենքի անվտանգության բարձրացմանը։
2․ Հունիսի 20-ի ընտրություններից հետո իշխանությունները հապշտապ կարգով բարձրացրեցին պատգամավորնեերին տրվող ամենամսյա ծախսերի գումարը՝ 50 հազար դրամից այն դարձնելով 250 հազար դրամ։ Այդ գումարը պատգամավորներին հատկացվում է աշխատավարձից ու պարգևատրումից առանձին, որպես հավելյալ վարձատրություն։ Հիմնական բացատրություններից մեկն այն էր, որ բարձրացումն անհրաժեշտ է, որպեսզի պատգամավորները կարողաման իրենց ընտրողների հետ ավելի հաճախ և ավելի սերտ համագործակցել։ Հիմնավորելով այդ գումարի շեշտակի բարձրացումը՝ իշխանական պատգամավոր Հովիկ Աղազարյանը նշե;լ է․ «Պարտադիր չէ մարզ գնալ, Երևանում էլ շփումներ կան։ Օրինակ, եթե սրճարան ես գնում, մեկ անգամ էլ դու պետք է հաշիվը փակես։ 50 հազարի մեջ մենք չենք տեղավորվել»,- բացատրել է Աղազարյանը։

Նոր ընտրված պոտգամավորները, բացի 600 հազար աշխտավարձից, ամեն ամիս կստաննա նաև 250 հազար դրամ գործունեության ծախսերի գումար, չհաշված ամենամսյա պարգևավճարները, որոնք ներաառյալ պաստգամավորն ամսվա կտրվածքով պետական բյուջեից կստաանա նվազագաույնը 1 մլն դրամից ավելի աշխատավարձ /պատգամավորների պարգևավճարը նվազագույն չափով ստանալու դեպքում, կազմում է նրանց աշխատավարձի 30 տոկոսը/։
Եթե նկատի ունենանք, որ նոր խորհրդարանն ունի 107 պատգամավոր, և նրանցից յուրաքանչյուրը ամսական 250 հազար դրամ հավելյալ գումար է ստանալու, ապա պարզագույն թվաբանությամբ՝ միայն ավելացված պատգամավորական ծախսի գումարը տարեկան կտրվածքով մոտ 257 մլն դրամ է կազմում։
3․ Նախորդ շաբաթ Երևանի ավագանու որոշմամբ՝ կտրուկ բարձրացվեցին Երևանի քաղաքապետի, տեղակալների, վարչական շրջանների ղեկավարների և մնացած աշխատակիցների աշխատավարձերը։ Երեւանի քաղաքապետի աշխատավարձը 575 հազարից կդառնա 1 մլն 320 հազար դրամ։

Քաղաքապետի առաջին տեղակալի աշխատավարձը 478 հազարից կդառնա 1 միլիոն 20 հազար, մյուս 3 տեղակալների և գլխավոր ճարտարապետի աշխատավարձը՝ 443 հազար դրամից կհասնի 952 հազարի։ Քաղաքապետի խորհրդականները, որոնք 7-ն են, ներկա 358 հազար դրամի փոխարեն կստանան 578 հազար դրամ, քաղաքապետի օգնականները՝ 298 հազարի փոխարեն 544 հազար դրամ են ստանալու, գործավարը՝ 261 հազարի փոխարեն 357 հազար դրամ։ Քաղաքապետարանի գլխավոր քարտուղարի աշխատավարձը կդառնա 952 հազար դրամ ՝ նախկին 382 հազարի փոխարեն։ 100 տոկոսով կբարձրանան նաեւ վարչության պետերի աշխատավարձերը, վարչական շրջանների ղեկավարները նախկին 400 հազար դրամի փոխարեն կստանան 850 հազար դրամ։
4․ Իսկ ի՞նչ է արվել սահմանների անվտանգության բարձրացման ուղղությամբ։ Այս մասին ոչինչ հայտնի չէ։ Փոխարենը հայտնի է, որ սահմանամերձ գյուղում թշնամին հանգիստ կրակում է սնունդ տեղափոխող մեքենայի վրա։ Հայտնի է, որ Սյունիքում ադրբեջանական զինուժը, առանց դիմադրության հանդիպելու, շատ հանգիստ հատել է ՀՀ պետական սահմանը և ներխուժել մեր տարածք։ Պաշտոնական հիմնավորում ներկայացվեց, որ այդ հատվածում պետական սահմանը կահավորված չէ։ Հիմա հասկացա՞ք, թե որն է Նիկոլ Փաշինյանի խոստացած ապագան։
Պարոնա՛յք և տիկնա՛յք, աղջիկնե՛ր և տղանե՛ր վայլեք այս լուսավոր ապագան, դուք սրան արժանի եք։

Հայկ Դավթյան