Նախկին նախագահը՝կոմունիստական հատուկ ծառայությունների հետ համագործակցելու կասկածյալ

DW-ն հայտնում է,որ   Լեհաստանի ազգային հիշողության ինստիտուտը հայտնել է փաստաթղթերի առկայության մասին, որոնք վկայում են այն մասին, որ Լեհաստանի նախկին նախագահ Լեխ Վալենսան կասկածվում է Լեհաստանի ժողովրդական հանրապետության հատուկ ծառայությունների հետ համագործակցելու մեջ: Փաստաթղթերը վաճառել է գեներալ Չեսլավ Կիշչակի այրին, որը եղել է գերենալ Վոյցեխ Յարուզելսկու մերձավորներից մեկը, ով գլխավորել է Լեհաստանի ժողովրդական հանրապետությունը 1980-ականներին, Խոսքն անձնական թղթապանակի մասին է, որը ունի 90 էջ, դրանում կա նաև ծրար, որտեղ ձեռագիր գրված է Անվտանգության ծառայությունների հետ համագործակցելու մասին՝ «Լեխ Վալենսա-Բոլեկ» ստորագրությամբ: Նշվում է, որ գումարի ստացականներում ևս ստորագրություն կա «Բոլեկ» կեղծանվամբ: Ընդհանուր՝ գաղտնի աշխատակցի աշխատանքի մասին թղթապանակում կա 279 էջ, որտեղ կան Բոլեկ անունով գաղտնի գործակալի զեկուցումները ու Անվտանգության ծառայությունների աշխատակցի հետ նրա հանդիպումների մասին գրառումներ: Փաստաթղթերն ընդգրկում են 1970-1976թթ.: Լեհաստանի ազգային հիշողության ինստիտուտի ղեկավար Լուկաշ Կամինսկին արդեն հաստատել է, որ այդ փաստաթղթերը կեղծ չեն: Լեխ Վալենսան հերքում է իր հասցեին հնչող մեղադրանքները: