Փաշինյանը գծել է Սյունիքի հանձնման ծրագիրը

Հուլիսի 23-ին Ադրբեջանի զինված ուժերը կրակ են բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ: ՊՆ-ն նաեւ տեղեկացնում է, որ հակազդող գործողությունների չի դիմել մինչև այն պահը, երբ Ադրբեջանի զինված ուժերը կրակ են բացել հայ դիրքապահների ուղղությամբ։
«Ադրբեջանական կողմի հերթական սադրանքի արդյունքում սկսված ինտենսիվ փոխհրաձգության հետևանքով հրազենային թեթև վիրավորում է ստացել ՀՀ ԶՈՒ 3 զինծառայող։ Նրանց կյանքին վտանգ չի սպառնում»,- նշվում է ՊՆ հաղորդագրությունում։
Օրերս էլ իրաիճակը թեժ էր Երասխի հատվածում, վերջին շաբաթների ընթացքում այստեղ զոհեր եւ վիրավորներ ունենք: Կարճ ասած՝ պատերազմը սահուն կերպով տեղափոխվել է Հայաստանի տարածք, թշնամին փորձում է շարունակել իր առաջխաղացումը, սրել իրավիճակը, գրավել ամբողջ Հայաստանը, առնվազն՝ կտրել Սյունիքն ու Հայաստանի ներքին կենսական ճանապարհները, ամենագլխավորը՝ Սյունիքն օկուպացնել:
Նրանք, ովքեր որոճում էին, թե Արցախը կհանձնելով կթեթեւանանք մեծ բեռից, թող վայելեն սեփական տգիտության արգասիքը: Թող պատրաստվեն, որ ինչպես 44 օր Նիկոլ Փաշինյանը անգործություն դրսեւորեց, որ Արցախը հանձնի, բառացիորեն նույնն անում է այսօր՝ Հայաստանի, նախեւառաջ Սյունիքի հանձնման հետ:

Բանակն այլեւս հիմնահատակ ոչնչացված է, պետական կառավարման համակարգը՝ բզկտված՝ ոչ ԱԳՆ-ն ղեկավար ունի, ոչ ՊՆ-ն, ոչ ԱԽ-ն քարտուղար, բարոյալքել և փսորել են հասարակությունը, տնտեսություն պարզապես չունենք: Իսկ Նիկոլ Փաշինյանը զբաղված է ոչ թե պետության անվտանգությունն ապահովելով, այլ քաղաքական ընդդիմախոսների վրա հարձակումներ իրականացնելով: Փաշինյանը զբաղված է ներքաղաքական եւ ներհասարակական դաշտի պառակտմամբ, որպեսզի ուշադրությունը շեղի հայ-ադրբեջանական սահմանից եւ ինչպես Արցախյան 44-օրյային ձգեց մինչեւ վերջին պահը ու տվեց Շուշին՝ հետո հերոսանալով, որ 25 հազար զինվորի կյանք է փրկել, այնպես էլ անում է հիմա: Ի դեպ, ըստ որոշ լուրերի՝ Փաշինյանի ծրագրի մեջ է մտել նաեւ Ստեփանակերտը, ամեն ինչ արել է, որ  Ստեփանակերտն էլ հանձնի, բայց տեղի եւ արտաքին ուժերի դիմադրությամբ նահանջել է այդ մտադրությունից:
Չի բացառվում, որ Փաշինյանը հիմա էլ Սյունիքի մասով պայմանավորվածություն ունի Ալիեւի հետ, որն ի դեպ կայացրել է ամիսներ առաջ ու խոստացել, որ նրան է նվիրելու Սյունիքը: Իսկ հիմա ընդամենը սրում են իրավիճակը սահմանին, որ հետո Փաշինյանը կարողանա իր ընտրազանգվածին ուղեղները լվանալ,թե Սյունիքը հանձնել է, որ փրկի մյուսներին:
Այնպես որ պատրաստ եղեք՝ երեկ Երասխում էր, այսօր՝ Գեղարքունիքում, վաղը կարող է լինել մեկ այլ տեղ, Նիկոլ Փաշինյանը թուրքին կարող է թողնել ընդհում մինչեւ Երեւան, որ իրականացնի իր սեւ գործը: Պատահական չէր ոստիկանության մեծածավալ օպերացիաները եւ զուգահեռ տարածվող տեղեկությունը, թե դիվերսիոն խումբ է ներթափանցել Հայաստան: Փաշինյանը շարունակելու է այսպես ահաբեկել հայ ժողովրդին, որ ինչպես արցախյան վերջին պատերազմին, հիմա էլ որոշ խմբեր հրապարակային խնդրեն Սյունիքը թուրքին հանձնել: Սա է հողատուի ծրագիրը եւ այն արդեն ընթացքի մեջ է:

Անի Սահակյան