Վահան Քերոբյանը ձեռնոց է նետում Նիկոլ Փաշինյանին

Յուրաքանչյուր իշխանություն ունի սեփական օգտագործման քաղաքական ծաղրածուներ, ում միջոցով հանրությանը ներկայացվում են կեղծ և հիմնական խնդիրներից շեղող օրակարգեր։
Այլ կերպ ասած, պալատական կապիկների շուրթերով շրջանառության մեջ են դրվում թեզեր, որոնք, որպես կանոն, հանրության տարբեր շերտեր տեղում կուլ են տալիս՝ ծաղրելով և քննադատելով այդ թեզերն ու օրակարգերը՝ դրանով մոռանալով խորքային խնդիրները:
Կա գլխավոր ծաղրածու եւ կան երկրորդական ծաղրածուներ, ինչ խոսք՝ գլխավոր ծաղրածուի տիտղոսակիրը Նիկոլ Փաշինյանն է՝ իր կրուտիտներով եւ մուտիլովկաներով, իշխանությունը ունի նաև այլ տրամաչափի ու կարևորության ծաղրածուներ և վարժեցրած կապիկներ, որոնց հարկ եղած բռախում են բեմ՝ ստիպելով նրան հիմարություններ դուրս տալ ու զբաղեցնել ժողովրդին՝ շեղելով ուշադրություն առավել վտանգավոր եւ կարեւոր խնդիրներից:

Մինչեւ վերջերս դժվար էր ասել, թե Փաշինյանից հետո ով է ամենազիլ ծաղրածուն, հավակնորդների պակաս թեեւ չկար, բայց հիմնական պայքարն ընթանում էր պատգամավոր Հովիկ Աղազարյանի ու Էկոնոմիկայի առաքիչ նախարար Վահան Քերոբյանի միջեւ: Սակայն այլեւս իրողություն է, որ Քերոբյանն անգերազանցելի տաղանդով է օգտված, որը հասու չէ շարքային մահկանացուներիս: Մինչ ՀՀ սահմաններին ռազմական էսկալացիա է սկսվել ու հանրությունը տագնապալից քննարկում է Նիկոլ Փաշինյանի կողմից սպասվող նոր զիջումների մասին, Քերոբյանը
ֆեյսբուքյան էջում հերթական ֆուրորն է կազմակերպել՝ կոչ անելով արտերկիր խոպանի գնացած բարեկամներին «բերման ենթարկել»՝ մեր երկիրն ամրացնելու ու զարգացնելու համար.«2021 թվականի հունիսին Հայաստանի արտահանումն առաջին անգամ գերազանցել է 300մլն ԱՄՆ դոլարը։
2021 թվականի հունիսին աշխատատեղերի շուկան շարունակել է բուռն աճել՝ սահմանելով հարկման բազա ունեցող աշխատակիցների նոր ռեկորդ՝ 643,256, մայիսի նկատմամբ աճելով 8,305-ով։ Այս ամենի հետ աշխատանքի սուր պահանջարկ կա շինարարության, գյուղատնտեսության, ԻՏ, մշակող արդյունաբերության, նույնիսկ տաքսիի ոլորտներում, հետևաբար, կոչ եմ անում արտերկիր խոպանի գնացած բարեկամներին «բերման ենթարկել»՝ մեր երկիրն ամրացնելու ու զարգացնելու»։
Հավանաբար աշխատատեղերի աճի այս բումը բարձրացել է մայիսից հետո, երբ Հայաստանի սահմաններին հազարավոր ադրբեջանցիներ են տնավորել, այդ մարդկանց, հո չի կարելի սոված-ծարավ թողնել, մեր մարդասեր իշխանությունը հաստատ սննդի կետեր է բացել սահմանային հատվածներում ու զարկ տվել աշխատաշուկային:
Վահան Քերոբյանին պետք չէ կասկածել, նրա բոլոր խոստումները մեկից մեկ ի կատար են ածվել: Օրինակ Վահան Քերոբյանը պաշտոնը ստանձնելու առաջին իսկ օրվանից հանրությանն ավետեց սահմանին հերթ կանգնած ներդրողների մասին, ահավասիկ Հայաստանում ներդրումային բում է: Ոչ հեռավոր անցյալում
Քերոբյանը վստահեցնում էր, որ Հայաստանը ունենալու է 319 տոկոսի հասնող զբոսաշրջության ոլորտի աճ: Ահա այդ աճը գրացված է ադրբեջանցի հյուրերի՝ մեր սահման անցնելու տեսքով: Քերոբյանը խոստացել էր նաև գրանցված աշխատատեղերի ռեկորդ ապահովել, վիճակագրական թվերը շուտով կփաստեն նրա խոստումը: Իսկ իրականում այս մարդը շուտով ստի այնպիսի ռեկորդներ է սահմանելու, որ ձեռնոց է նետելու անգամ գլխավոր ծաղրածուին:

Անի Սահակյան