Պատրաստ եղեք Հայաստանը հանձնելու

Նիկոլ Փաշինյանը իր ուժայիններին արդեն մի քանի շաբաթ է քսի հրահանգ է տվել ընդդիմադիրների եւ հատկապես Սյունիքի համայնքապետերի վրա, որոնք երեք տարի շարունակ չցանկացան անցնել Փաշինյանի թրի տակով, իսկ պատերազմից հետո բացահայտ ընդվզում են այս ապազգային իշխանության դեմ: Մինչ ԱԱԾ Ալֆա ջոկատը գրոհում էր Հայաստան դաշինքի անդամ Վահե Հակոբյանին պատկանող Զզանգեզուրի պղնձամոլիբդենային կոմբինատի վրա, սահմանից հերթական գույժը լսվեց:

Նիկոլ Փաշինյանի բարեկիրթ բարեկամները Նախիջևանի կողմից կրակ են բացել հայ զինվորականների դիրքերի ուղղությամբ, Երասխի մոտ:
Ըստ Պաշտպանության նախարարության հաղորդագրության, միջադեպ սադրողը ադրբեջանական թուրքերն են եղել, մերոնք պատասխանել են թշնամու կրակոցներին եւ կորուստներ են պատճառել: Միջադեպի հետևանքով զոհվել է 38-ամյա պայմանագրային հայ զինծառայող Սամվել Ալավերդյանը: Ավելի ուշ հաղորդագրություն տարածվեց այն մասին, որ լուսադեմին էլ ՊՆ-ն կորցրել է կապը ավտոմեքենայով ծառայողական պարտականությունները կատարող երկու զինվորականի հետ, որոնք, ենթադրաբար, կարող էին հայտնվել թշնամու վերահսկողության տակ գտնվող տարածքում: Հատկանշական է, որ ըստ հաղորդագրության, նշված երկու զինվորականն անզեն են եղել եւ մեծ է հավանականությունը, որ երկուսն էլ գերի են ընկել: Փաստորեն, Հայաստանում կատարյալ բարդակի մասին այլեւս չեն թաքցնում նաեւ պատկան գերատեսչությունները՝ խոստովանելով, որ անհետացած ծառայողները եղել են անզեն. թե ինչու պիտի սահմանային ծառայություն իրականացնողներն անզեն լինեն, միայն Նիկոլ Փաշինյանին ու նրա հրամանները կատարողներին է հայտնի, սակայն այս զինվորների անհետացման, եւ Ալավերդյանի մահվան պատասխանատվությունը այլեւս միայն Փաշինյանի ու իր թրաշամանուկ իշխանության վրա չէ, այլ այն վեց հարյուր հազար մադկանց , ովքեր ուրանալով հազարավոր տղաների արյունը, ուրանալով Արցախյան ազատամարտում զոհվածներին, ուրանալով հայրենիքը վստահության քվե են տվել ապազգային , դավաճան կապիտուլանտին, ինչպես նաեւ ֆորա, որպեսզի իրականացնի սկսած գործը, ավարտին հասցնի Հայաստանի կործանման ծրագիրը:

Քանի դեռ Հայաստանում Նիկոլ Փաշինյանի իշխանությունն է, թշնամին շարունակելու է նույն  ձեռագիրը, շարունակվելու են սադրանքները, փոխհրաձգությունները, զոհերը, նոր գերիներ ենք ունենալու: Հենց այսպիսի ապագային եք դուք՝ այդ 600 հազարդ քվե տվել: Սա՛ է ձեր երազած ապագան: Սա էր նաեւ թշնամու երազած ապագան, որ Փաշինյանը մնար իր աթոռին եւ հլու-հնազանդ կատարի իրենց կամքը: Հետաքրքիր է՝ գերի ընկած տղաների ծնողներն ում են իրենց ձայնը տվել, արդյոք նրանք էլ վայելու են իրենց երազած ապագան:
Գրոհի ուղղությունն արդեն փոխել են՝ Նախիջևանի կողմից՝ Երասխի ուղղությամբ: Սա արդեն Արցախը չէ եւ ոչ էլ Արցախին սահմանակից տարածքում, սակայն ինչ-որ չի լսվում քաղաքացիական հասարակություն կոչվող ակտիվի
գոռգոռոցները, սա իշխանություն է, թե ամենաթողություն, ինչու է պայքարը տեղափոխվել Հայաստանի սրտում: Հնարավոր է, դրա շարունակությունը լինելու է Տիգրանաշենի հանձնումը :
Այնպես որ նրաք, ովքեր Արցախը համարում էին բեռ եւ ուրախանում, որ կապիտուլանտն ազատվեց դրանից, ապա թող պատրաստ լինեն, որ թուրքը մի օր իրենց դռանն է չոքելու:

Անի Սահակյան