Հունական հայտնի «Pontos News» հրատարակությունը քննադատել է Ադրբեջանում Հունաստանի դեսպանին

Pontos News.
(Հունական հեղինակավոր ԶԼՄ ի արձագանքը)

Ամոթ Ադրբեջանում Հունաստանի դեսպան Նիկո Պիպերիգոյին
Հունական հայտնի «Pontos News» հրատարակությունը քննադատել է Ադրբեջանում Հունաստանի դեսպանին՝ օկուպացված Շուշի այցելելու համար:

Հունաստանի արտաքին քաղաքականության ամոթի օրը պետք է համարել 2021թ․-ի հուլիսի 9-ը: Հունաստանը մասնակցեց Ադրբեջանի կառավարության կողմից Արցախի շրջաններում կազմակերպված սադրիչ խնջույքին՝ բեմադրելով իր կատարած հանցագործությունների տոնակատարությունը: Գնալով Էրդողանի հետքերով, ինչպես իր հոգևոր զավակին է թվում, բռնապետ Ալիևը ներկայացում է ցուցադրում:

Որոշ երկրներ ներկա էին, քանի որ նրանք, հնարավոր է, ոչ մի կապ չունեն Հայաստանի հետ՝ ո՛չ բարեկամական, ո՛չ էլ դիվանագիտական:

Բայց ինչպե՞ս որոշեց Հունաստանը, որը պետք է պահպանի եղբայրական հարաբերություններ հայ ժողովրդի հետ, մասնակցել այս իրադարձությանը:

Ի՞նչը տոնել: Պատերազմի ընթացքում Ադրբեջանի կողմից կատարված հանցագործություննե՞րը խաղաղ բնակիչների և հիվանդանոցների ռմբակոծման և, նույնիսկ, արգելված զենք օգտագործելու միջոցով:

Թե՞ պետք է ընդգծենք այն փաստը, որ այսօր էլ Ալիևը չի արտահանձնում ռազմագերիներին` խախտելով Հայաստանի և Ռուսաստանի հետ Ադրբեջանի կողմից կնքված պայմանագիրը: Թե՞ պարոն Պիպերիգոսը տոնում է Արցախի տարածաշրջանում ադրբեջանցիների կողմից հայկական մշակութային և կրոնական հուշարձանների ոչնչացումը:

ՀՀ ԱԺ պատգամավոր Արման Աբովյանի ֆեյսբուքյան էջից