Պահանջում ենք Փաշինյանից արագ տալ այս մարդու թուլափայը
Չնայած ընտրություններն ավարտվել են, բայց քաղաքական չարչիները դեռեւս շարունակում են իրենց առեւտուրը կապիտուլանտ, դավաճան իշխանության պարագլխի հետ:
Անունը դրել են արտախորհրդարանական ուժերի պոտենցիալի մոբիլիզացիա, Նիկոլ Փաշինյանն էլ մեկ առանձին-առանձին է նրանց իր դուռը բերում, խոնարհում իր առջեւ, մեկ միասին կլոր-սեղանի շուրջ է հավաքում, բայց իրականում ակնհայտ է, թե այդ ներուժը ինչի եւ ում դեմ է ուղղված: Նիկոլ Փաշինյանը թեպտ ընտրություններին իր համար 600 հազար ձայն է խփել, բայց հասկանում է, որ չունի իրական հենարան եւ քաղաքական չարչիներին՝ արտախորհրդարանական կոչվող ուժերին է փորձում իրեն հենարան դարձնել:
Դրանց գերնպատակը դարձել է խորհրդարան անցած երկու դաշինքներին, այլ կերպ ասած՝ նախկիններին քննադատելը: Իհարկե, հասկանալի է, որ այդ ծառայությունն անվճար չեն իրականացնում եւ փոխշահավետ գործարք է կայացել, մեկին գումարի տեսքով, մյուսին՝ գուցե երկրորդական-երրորդական պաշտոնի, հաջորդին՝ ինչ-ինչ արտոնության: Ապազգային այս տարրերն էլ, մոռանալով առհասարակ պատերազմի եւ հինգ հազարից ավել զոհերի մասին, որոնց թիվ մեկ պատասխանատուն գործող իշխանությունն է, Փաշինյանի մուրճն առել ընկել են նախկինների ետեւից: Ահավասիկ
չարչիների դասին է պատկանում երբեմնի փաստաբան, այժմ Արդար Հայաստան նորաթուխ ուժի նախագահ Նորայր Նորիկյանը:
Կար ժամանակ, որ այս մարդը քննադատում էր Նիկոլ Փաշինյանի իշխանությանը, նախընտրական շրջանում պարզ դարձավ, որ Փաշինյանի կողմից գործուղվել է դաշտ՝ ընդդիմությունից ձայն փախցնելու համար: Այդուհանդերձ մարդն այնքան խորամանկ էր, որ առավել զգուշավորություն էր դրսեւորում, եւ ճակատային չէր քննադատում նախկիններին: Հիմա, երբ Նիկոլ Փաշինյանը վերընտրվել է ու շարունակում է Հայաստանը հանձնելու իր պարտավորությունը, քաղաքական չարչիները ասպարեզ են նետվել ու նախկիններով փորձում են ուշադրությունը շեղել կարեւոր գործընթացներից:
Փաստաբանի մասնագիտությամբ նորաթուխ քաղգործիչը տաղավարից տաղավար է գնում, խոսում օրենքի գերակայության հաստատումից՝ բառ չասելով Փաշինյանի ապօրինությունների եւ այն մասին, որ Արցախը հանձնելու համար նախ իր դեմ պետք է քննություն սկսվի, ապա միայն նախկին թալանչիների:
«Այո՛, և պետք է իրավունքի գերակայության հիման վրա քաղաքականություն վարեն: «Արդար Հայաստանի» ծրագրում էլ է գրված, որ Հայաստանը մենք տեսնում ենք իրավունքի և օրենքի գերակայության վրա հիմնված, սահմանադրականության գաղափարաբանությունն անշրջելի դարձրած իրավական պետություն: Ես պնդում եմ, որ պետք է վերջ տրվի «թավիշին», իշխանությունը պետք է առաջնորդվի օրենքով, իրավունքի գերակայության սկզբունքով, իրավական պետության տրամաբանությամբ: Այս ընտրությունների հետևանքով թավիշի գործունեության արդյունքում որոշ ենթադրյալ հանցագործներ հայտնվեցին խորհրդարանում և դարձան լեգիտիմ ընդդիմություն: Ես խորքային մարտահրավերների մասին եմ խոսում: Եվ նորաստեղծ այն քաղաքական ուժերը, որոնք կարող էին նոր շունչ հաղորդել քաղաքական դաշտին և բազմազանություն ապահովել, մնացին «բորդյուրից» դուրս»»,- ասում է նա ու շարունակում. «Էդ հանցագործները թող Նիկոլ Փաշինյանի արձանը դնեն իրենց տան բակերում եւ ամեն օր երկրպագենոր․ լեզո՛ւ են երկարացրել, վայելում եք թալանածն ու լափածը»: Ափսոս էր երբեմնի փաստաբանը. Նիկոլ Փաշինյանից պահանջում ենք որպես բարի կամքի դրսեւորում այս մարդուն արագ տալ իր թուլափայը, որպեսզի չդառնա մեր օրերի դատարկ դհոլ:
Անի Սահակյան
Հետևեք մեզ Viber-ում
