Հայաստանում ՌԴ դեսպանը՝ Պուտին–Փաշինյան հանդիպման օրակարգի եւ հայ գերիների վերադարձի մասին (video)
Ադրբեջանում պահվող բոլոր հայ ռազմագերիներին վերադարձնելու հարցը Ռուսաստանի ղեկավարության և ռուսաստանյան խաղաղապահ զորամիավորման հիմնական առաջնահերթություններից է:
Ինչպես հաղորդում է «Արմենպրես»-ը՝ այս մասին լրագրողների հետ զրույցում ասել է ՀՀ-ում Ռուսաստանի դեսպան Սերգեյ Կոպիրկինը՝ հավելելով, որ գերիներին տուն վերադարձնելու ուղղությամբ աշխատանքը շարունակվելու է:
«Մեր դիրքորոշումն այս խնդրի վերաբերյալ հայտնի է: Մենք ի սկզբանե հայտարարել ենք, որ գերիները պետք է փոխանակվեն «բոլորը՝ բոլորի դիմաց» սկզբունքով:
Ինչևէ, կփորձենք լուծել այս խնդիրը այն տարբերակով, որով հնարավոր է:
Կրկնում եմ, որ այս հարցը մնում է մեր հիմնական առաջնահերթությունների թվում, և աշխատանքն այս ուղղությամբ, անկասկած, շարունակվելու է»,-մեկնաբանել է Սերգեյ Կոպիրկինը:
Հետևեք մեզ Viber-ում
