Եթե մեր աջակցությունն այլևս ցանկալի չէ, մենք չենք պարտադրի մեր ներկայությունը. դեսպան Պյոտր Սվիտալսկի

ՀՀ-ում ԵՄ առաքելության ղեկավար, դեսպան Պյոտր Սվիտալսկին, անդրադառնալով խորհրդարանական ընտրությունների արդյունքներին ու դրան հաջորդած իր հայտարարության արձագանքներին, ասել է, որ նախքան ինչ-որ մեկի վրա հարձակվելը, խորհուրդ կտա մարդկանց ստուգել, թե ինչ է ասվել, ճշտել աղբյուրները:«Ուզում եմ ասել, ես չեմ հաղորդել ու չեմ հաղորդի ուղերձներ իշխանավորներին, հանրային հայտարարությունների միջոցով։ Հանրային հայտարարությունը հանրության համար է: Վերջին օրերին այնքան շատ զանգեր ենք ստացել, և մենք իսկապես հասկանում ենք, որ կան շատ մարդիկ Հայաստանում, որոնք հավատում են՝ ԵՄ-ն լավ գործ է անում Հայաստանում։ Երբեմն սրանք բավականին զգայուն դեպքեր էին, մարդիկ զանգահարում էին մեր գրասենյակ՝ արտահայտելով իրենց աջակցությունը մեր ասածների վերաբերյալ։ Սովորաբար հայերը զանգահարում են մեզ, որպեսզի աջակցություն խնդրեն, բայց այս անգամ նրանք էին մեզ աջակցում», - ասաց Պ.Սվիտալսկին։ Սվիրտալսկին վերահաստատեց, որ ԵՄ-ն տրամադրել է ավելի քան 7 մլն եվրո. «Առանց այդ ֆինանսական աջակցության, նոր տեխնիկական միջոցները հնարավոր չէին լինի, բայց պիտի ասեմ, որ մեր աջակցությունը ֆինանսականից էլ ավելի էր։ Գուցե վաղ է դրա մասին խոսել հանրայնորեն, բայց կարելի է ասել, որ ֆինանսական աջակցությունը մեր աջակցության ամենափոքր մասն էր կազմում։ Հիմա ես ուզում եմ շատ ուժեղ շեշտել՝ մենք դա արեցինք Հայաստանի բաց խնդրանքին ի պատասխան։ Երբեք չենք ստիպել կամ պարտադրել, եթե մեր աջակցությունն այլևս ցանկալի չէ, մենք չենք պարտադրի մեր ներկայությունը»: