Նիկոլ, գլուխդ կոտրվի ու մնաս Ալիեւի բժշկի հույսին

Նիկոլ Փաշինյանը խորքային ատելություն ունի կրթված մարդու, ինտելեկտի եւ, առհասարակ, կայացած մարդկանց, պրոֆեսիոնալների, իրենց գործի գիտակների նկատմամբ:
Սա ինչ-որ առումով կարելի է հասկանալ, գենետիկ տգետների, անկիրթների, չկայացածների, ոչ մի գործում հաջողության չհասած մարդու կոմպլեքս է: Այդպիսին է իշխանական ողջ թիմը, եւ, թերեւս, սրա հետեւանքն է, որ երեք տարում մարտնչող տգիտությանը պարտվեցին Հայաստանի կայացած գրեթե բոլոր ոլորտները:
Սա հատուկ ծրագիր է՝ ոչնչացնել, քանդել, ավերել ամենը, քանի որ, ինչպես խոզին չի կարելի մաքուր խալու վրա կանգնացնել, նա միեւնույն է գլորվելու է իր ցեխի մեջ, այնպես էլ սրանք միջավայրը <<հարմարեցրեցին>> իրենց տեսակին, իրենց արժեհամակարգին: Նա սրանով է կերակրել ու շարունակում է կերակրել նաեւ իր նմանին, իր ընտրողին, իր աջակցին:
Այլեւս կասկած չկա, որ հստակ քայլերով, ծրագրված պայքար ու արշավ է սկսված բոլոր կայացածների դեմ՝ կլինեն նրանք ֆինանսապես հաջողակներ, թե իրենց ոլորտի պրոֆեսիոնալներ, բայց հաշվարկն այն է, որ այս խավի դեմ պայքարով Նիկոլ Փաշինյանն ինքն իր ընտրողի առջեւ արդարացնում է սեփական գոյությունը, ոչնչացնում, վարկաբեկում, <<մաքրում>> է իրեն շրջապատող ցանկացած առողջ, կայացած սեգմենտ, որպեսզի նրանց կողքին չերեւա, կոնտրաստի մեջ չմտնի իր խղճուկ, անլվա, փնթի էությունը, եւ իր տեսակը դառնա ուղենիշ, մարդիկ մտածեն, որ ճիշտը չկրթվելն է, դիլետանտությունն է ճիշտը, փնթի ու անլվա վիճակները:
Ինչպես տեսնում ենք վերջին շրջանում՝ Փաշինյանի թիրախը փոխվել է, նա հասկացավ, որ այլեւ հնարավոր չէ զանգվածներին կերակրել նախկին <<թալանչիներին>> պատժելու խոստումով, ոչ միայն նրա համար, որ ինքն այսօր պետության թիվ մեկ թալանչին է, այլ դրանք ընդամենը օդում կախած բամբասանքներ էին եւ երեք տարի անց այդպես էլ որեւէ թանալչու գործի հետ կապված դատարանի վճիռ չկայացվեց, դրանք մնացին կիսատ: Հիմա արշավ է սկսել պրոֆեսիոնալների դեմ: Իիզմիլյան ԲԿ-ի տնօրեն Արմեն Չարչյանի նկատմամբ հետապնդումն այս շրջանակներում է: Հայաստան դաշինքում, ըստ Փաշինյանի տրամաբանության, ցանկացածի նկատմամբ կարելի էր գործ հարուցել, բոլորը նախկին են, եւ ուրեմն՝ թալանչի, բայց ընտրվեց հեղինակավոր, հազարավոր կյանքեր փրկած բժիշկը, որին կալանավորել են մի ծիծաղելի ձայնագրության համար, ինչի մասին բազում անդրադարձեր ենք կատարել: Նույնը կարելի է ասել Աչաջուրի ԲԿ տնօրենի եւ, առհասրակ, մի շարք ԲԿ տնօրենների մասին, որոք հետընտրական Հայաստանում ենթարկվում են իշխանության հետապնդումներին եւ նվազագույնն ազատվում զբաղեցրած աշխատանքից:

Հիմա հերթը հայտնի միկրովիրաբույժ Արտավազդ Սահակյանին է: Կառավարության որոշման հիման վրա Բժշկական համալսարանը պարտադրում է դուրս գալ այն շենքից, որտեղ արդեն երկար տարիներ է՝ գործում է Համալսարանական թիվ 1 կլինիկական հիվանդանոցի պլաստիկ, վերականգնողական վիրաբուժության և միկրովիրաբուժության կլինիկան։ Հայտնի բժիշկը Facebook-ի իր էջում մեկնաբանել է այն տեղեկությունները, որոնք արդեն 2 օր է՝ պտտվում են համացանցում և ԶԼՄ-ներում։
Նշենք, որ մեծ աղմուկ էր բարձրացել այն բանից հետո, երբ լուրեր շրջանառվեցին, թե հայտնի բժիշկ Արտավազդ Սահակյանին ստիպում են լքել իր հիմնադրած կլինիկան։ Սահակյանը տեսաուղերձ է հղել, որտեղ շեշտում է՝ ինքն աշխատանքից չի հեռացել, նման պահանջ չի էլ դրվել, փոխարենը ԵՊԲՀ ռեկտորի կողմից պահանջ է դրվել «ազատել այն տարածքը, որտեղ նա աշխատում է»։
Սահակյանի խոսքով՝ այս պահանջը բացարձակապես անհիմն է. անձնապես իր, իր անձնական կապերի և բժիշկների շնորհիվ ամբողջ բաժանմունքը հիմնովին վերանորոգվել է։

Ասվածը վկայում է, որ Նիկոլ Փաշինյանը գենետիկ ատելությամբ է լցված պրոֆեսիոնալների նկատմամբ, եւ նույնիսկ չի խնայում միջազգային մակարդակի մասնագետին՝ ինչպիսին Արտավազդ Սահակյանն է, ով թե առաջին, թե ապրիլյան, թե 44-օրյա պատերազմից հետո հազարավոր երիտասարդ կյանքեր է փրկել:
Հիմա, երբ ոչնչացնում ես կրթվածին ու պրոֆեսիոնալին, ում վրա է քո հույսը, մեզ այլ բան չի մնում, քան Նիկոլ Փաշինյանին բարեմաղթել՝ գլուխդ կոտրվի ու դու էլ մնաս քո եղբայր Ալիեւի հույսին:

Անի Սահակյան