Ժեխը կխժռի Նիկոլ Փաշինյանին

Մեծ գաղտնիք չենք բացահայտի, եթե ասենք, որ, հատկապես, պատերազմից հետո պետական համակարգը կազմաքանդված վիճակում է, չկա մի ոլորտ, որը բնականոն աշխատանքի մեջ է: Նիկոլ Փաշինյանի կառավարությունը մինչ այդ էլ գլուխգործոցներով աչքի չէր ընկնում, բայց պատերազմը, կորոնավիրուսը եկան ապացուցելու, որ իշխանությունն իր կազմով պատրաստ չէ դիմագրավել պետության առջեւ ծառացած որեւէ մարտահրավերի: Այս իրավիճակում թվում էր, թե պողպատյա մանդատ ստացած Նիկոլ Փաշինյանն ընտրություններից պետական բարձր պաշտոններում նշանակումներ անելիս չի առաջնորդվի հեղափոխական սկզբունքով, այն է՝ ով իր հետ քայլել է, կնշանակվի պաշտոնի: Այլ կձեւավորի տեխնոկտաների կառավարությունը, որը երկիրը դուրս կբերի այս քաոսից, ճգնաժամից, երկրում չկա տնտեսություն, խոստացված ներդրումների բումի մասին պարզապես ծիծաղելի է խոսել, այդ մասին իրենց խոսել կարող են թույլ տալ միայն առաքիչի մակարդակի նախարարները, բանը հասել է նրան, որ արդեն ոռոգման ջրի հարց պետությունն ի վիճակի չէ լուծել, բայց վերջին օրերին Նիկոլ Փաշինյանի նշանակումները եւ այդ մասին մամուլի տեղեկությունները ցույց են տալիս, որ այս մարդը նոր կառավարությունը եւս ձեւավորելու է ազգակործան պատուհասներով: Իհարկե, միամիտ է կարծել, թե Նիկոլ Փաշինյանի վարչապետությամբ երկիրը կարող է ծաղկել, բայց եթե առանցքային ոլորտներում պրոֆեսիոնալներ նշանակվեն, գոնե հույս կլինի, որ ինչ-որ բան լոկալ առումով կփոխվեր:
Եւ այսպես, օրերս Նիկոլ Փաշինյանը կառավարության աշխատակզմի ղեկավարի պաշտոնից ազատեց Արսեն Թորոսյանին ու նրա փոխարեն նշանակեց ԿԳՍՄ նախկին նախարար, այդ ոլորտը մինչեւ վերջին խազն ավերած Արայիկ Հարությունյանին: Պակաս ավերիչն էլ, իհարկե, Արսեն Թորոսյանը չէր, ով կորոնավիրուսի պայքարը ձախողեց մինչեւ վերջ, փոխարենը ծաղկեցրեց կնոջ բիզնեսը եւ պետպատվերի մեծ մասը ուղղորդեց կնոջ հիվանդանոց: Սուրեն Պապիկյանը, ով ասֆալտի միջոցով ըստ լուրերի դոլարային միլիոնատեր է դարձել, պետական բյուջեում իր վարուցանքն արդեն կանի փոխվարչապետի պաշտոնում, նրան կփոխարինի Շրջակա միջավայրի նախարար, կրկին քայլարած՝ Ռոմանոս Պետրոսյանը: Կրկին ըստ մամուլի տեղեկությունների՝ ԿԳՍՄ նախարար, ոլորտից տասնյակ կիլոմետրեր հեռու Վահրամ Դումանյանը կմնա իր պաշտոնում, փոփոխություն չի լինի նաեւ սոցապնախարարությունում, ժամանակավոր պաշտոնակատար Նարեկ Մկրտչյանը կնշանակվի նախարար: Ուժային կառույցներում եւս մեծ փոփոխություններ չեն սպասվում, համենայն դեպս իրենց միակ առաքելությունը կապիտուլանտի անվտանգությունը համարող ԱԱԾ պետն ու ոստիկանապետը չեն փոխվի: Էկոնոմիկայի առաքիչ նախարարը եւս կշարունակի իր աշխատանքը: Գործադիրի նախկին ներկայացուցիչ՝ Բարձր տեխնոլոգիական արդյունաբերության նախկին նախարար Հակոբ Արշակյանը, ով լրագրողին հարվածելու, գույքը վնասելու պատճառով հրաժարական էր ներկայացրել, կգնա օրենսդիր: Պատգամավոր կդառնա նաեւ
Իշխանության դիժեյը՝ կառավարության աշխատակազմի ղեկավարի պաշտոնից ազատված Էդուարդ Աղաջանյանին եւս կտեսնենք խորհրդարանում:
Իսկ պաշտպանության նախարարի պաշտոնը Նիկոլ Փաշինյանը չի բացառվում վստահի տիկնոջ բունկերային գործընկերոջը՝ Սամվել Բաբայանին: Այնպես որ, ինչպես տեսնում եք իշխանության հայտնի դեմքերը կմնան իրենց պաշտոնում, միգուցե որոշ փոխատեղումներ լինեն, բայց գումարելիների տեղափոխությունից գումարը չի փոխվում: Սա նշանակում է, որ Նիկոլ Փաշինյանը հաստատակամ է պետությունն ավերելու իր ծրագրում եւ իրեն պետք չեն պրոֆեսիոնալներ, կամ էլ նորմալ կադրերը մերժում են նրան՝ հասկանալով, որ դավաճանի հետ աշխատելը դավաճանություն է եւ այս մարդու միակ նպատակը Հայաստանի ավերումն է: Այնպես որ, բանական մարդիկ պետք է զինվեն համբերությամբ եւ սպասեն, թե երբ է հեղափոխական ժեխը խժռում իր բերած իշխանությանը, որովհետեւ կարելի է չկասկածել, որ երկրում մեծ հաշվով իրավիճակ չի փոխվելու, ավելի ճիշտ փոխվելու է միայն վատ իմաստով եւ Փաշինյանին ընտրողները հացի ու ջրի խնդրի առջեւ կանգնելու ժամանակ արդեն կհոշոտեն իրենց կուռքին:

Անի Սահակյան