Վտանգավոր գործընթաց,Արայիկ Հարությունյանը պատրաստ է ամենաանհավատալիին
Չնայած Հայաստանում հետընտրական ցնցումների մասին ինտենսիվ կանխատեսումներին, իրավիճակը հունիսի 20-ից հետո ավելի լարվեց Արցախում: Ընտրությունների հաջորդ օրն արցախցիները լցվեցին մայրաքաղաքի կենտրոնական հրապարակ՝ պահանջելով Արայիկ Հարությունյանի հրաժարականը: Նրանց հայտարարություններից հասկացվեց մի բան, որ վրդովվել են Նիկոլ Փաշինյանին ուղղված Հարությունյանի շնորհավորանքից, քանի որ Արցախում ամենեւին էլ ուրախ չեն հայաստանյան իշխանությունների վերարտադրությամբ: Խնդիրն այն է, որ Արցախում առավել, քան հայաստանում մեծ հույսեր ունեին, որ Նիկոլ Փաշինյանի իշխանությունը կհեռանա ՝ իր տեղը զիջելով ազգային, հայրենասեր գործիչներին, բնականաբար, նախեւառաջ Ռոբերտ Քոչարյանին: Բայց եղավ այն, ինչ եղավ ու նրանց պահանջն ավելի քան հիմնավոր է ոչ միայն վերջին իրադարձությունների եւ շնորհավորանքի համատեքստում, այլ ընդհանրապես Նիկոլ Փաշինյան-Արայիկ Հարությունյան զույգի փոխհարաբերությունների տիրույթում: Պատերազմի առաջին օրից մինչեւ վերջ Արայիկ Հարությունյանը մասնակցել է Նիկոլ Փաշինյանի կազմակերպված ստի հաղթարշավին, որի գերագույն նպատակը Արցախը հանձնելն էր, Շուշին թշնամուն նվիրելը: Արայիկ Հարությունյանը գլխավոր դերակատար էր հանդես գալիս՝ մեկ հոլիվուդյան ժպիտով սրճում առաջնագծում, մեկ հոխորտում իր կաբինետում, մեկ էլ գուժում, որ հակառակորդը Շուշիից հեռու է մի քանի կիլոմետր եւ մոտենում է Ստեփանակերտին: Էլ չենք հիշեցնում նախապատերազմյան լապշաների մասին, թե ինչպես էր վստահեցնում, թե փակ է ոչ միայն Ստեփանակերտի, այլ ողջ Արցախի օդը:
Այնպես որ արցախցիների պնդումն ու պահանջը հիրավի հիմնավոր է, անգամ ուշացած , բայց խնդիրն այն է, որ դավաճան զույգին պետք է միաժամանակ վռնդել Հայաստանից ու Արցախից: Այդուհանդերձ կան մի շարք ռիսկեր, որոնք առաջ են գալիս Արայիկ Հարությունյանի հրաժարականի պարագայում: Հնարավոր է արդյոք Արցախում նոր ընտրություններ կազմակերպել՝ չճշտված սահմաններով, կորցրած տարածքներով եւ փխրուն խաղաղության պայմաններում: Արդյոք միջազգային հանրության մոտ կլինի այս հարցի շուրջ կոնսենսուս եւ Արցախը չի կանգնի նոր ցնցումների առջեւ: Երկրորդ՝ իր հրաժարականը պահանջող արցախցիներին Հարությունյանը ուղերձ հղեց, թե չի պատրաստվում հրաժարական ներկայացնել, հիմա եթե գործընթացը նրա դեմ շարունակվի, կան բոլոր հիմքերը պնդելու, որ Արայիկ Հարությունյանը կգնա ամենավտանգավոր ու ծայրահեղ քայլին՝ հայաստանյան գործընկերոջ հետ Արցախը զրկելով հումանիտար եւ առհասարակ բոլոր կարգի աջակցություններից: Եթե մի մարդ կարողացել է պատերազմի ընթցքում գնալ ամենաստորագույն քայլերին եւ հանձնել հայրենիքը, ապա արցախցին իր համար զրո արժեք ունի եւ նա կարող է ոչ մի բանի առջեւ կանգ չառնել:
Անի Սահակյան
Հետևեք մեզ Viber-ում
