Արտակարգ դեպք Աբովյան քաղաքում. ուսուցչուհին պնդում է, որ առանց պատճառի՝ փորձել են խեղդել իրեն

shamshyan.com-ի տեղեկություններով՝ ոստիկանության Կոտայքի բաժնի հետաքննչական բաժանմունքում հետաքննիչ Հակոբյանի կողմից հետաքննություն է սկսվել հունիսի 15-ին Աբովյան քաղաքի 3-րդ միկրոշրջանի բնակչուհու ծեծի ենթարկելու փաստով։ Ինչպես հայտնում է ֆոտոլրագրող Գագիկ Շամշյանը, այդ օրը, ժամը 09։20-ի սահմաններում ուսուցչուհին հայտնել է, որ տան մուտքի դուռը փակելու ժամանակ 69-ամյա հարևանը՝ առանց պատճառի հարձակվել է իր վրա, բռնի ուժով տարել իր բնակարան, գցել հատակին՝ փորձելով խեղդել և ձեռքերով հարվածներ է հասցրել իր գլխի շրջանին։ Ուսուցչուհին հայտնել է նաև, որ այդ ամենի հետևանքով իրեն պատճառվել է ֆիզիկական ցավ և ստացել է մարմնական վնասվածքներ։ Մանրամասները՝ shamshyan.com-ում։