Ի՞նչ է փոխանցել Ալիևը Նիկոլին․ փակ ծրարի սկանդալը

Կոռուպցիա բառը, երևույթն ընդհանրապես բնորոշվում կամ դրսևորվում է երկու հիմնական հատկանիշներով՝ կաշառքով և հովանավորչությամբ։
Նիկոլ Փաշինյանի քարոզչական ողջ հռետորաբանությունը 2018 թվականից առ այսօր կառուցվել է կոռուպցիայի դեմ պայքարի լոզունգի վրա։
Փաշինյանը կարողացել է ձևավորել հանրային միֆ, թե իբր ինքը չի հանդուրժում ոչ կաշառք, ոչ էլ կոռուպցիա։
«Պատիվ ունեմ» դաշինքի վարչապետի թեկնածու, ՀՀ Ազգային անվտանգության ծառայության նախկին տնօրեն, գեներալ-մայոր Արթուր Վանեցյաննը քարոզարշավի վերջին օրը պայթեցրել է այս միֆը՝ ներկայացնելով աներևակայելի սկանդալային պատմություններ Փաշինյանի կոռումպացվախության մասին։ <<Կոռուպցիան ամենախորն արմատները գցել է հենց այս իշխանությունների օրոք>>,- հայտարարել է Վանեցյանը։
Արթուր Վանեցյանը 168․ամ-ի հետ զրույցում պատմել է է, որ
Նիկոլ Փաշինյանը հանձնարարում էր գաղտնալսել սեփական թիմակիցներին, կոտրել նրանց ֆեյսբուքյան էջերը, իրեն զեկուցել գրագրությունների մասին ու դոսյեներ հավաքել նրանց դեմ։

ԱԱԾ նախկին պետ Արթուր Վանեցյանի խոսքով՝ ինքը զեկուցել է Փաշինյանին, որ շիշ բռնողի ընտանիքի Ամանորի մի քանի միլիոնանոց ծախսը Ծաղկաձորի «Գոլդեն փելես» հյուրանոցում հոգացել է քրեական մի տարր։ Փաշինյանը հրահանգել է գործին ընթացք չտալ:
ԱԱԾ-ն Փաշինյանին նաև տեղեկացրել շիշ բռնողի կողմից տուն, մեքենա գնելու ֆինանսական աղբյուրների մասին, սակայն նա կրկին թույլ չի տվել քայլեր ձեռնարկել՝ իրավական գնահատական տալու ուղղությամբ, փոխարեն հրահանգել է դոսյե հավաքելով թիմակցի դեմ:

Արթուր Վանեցյանը խոստովանել է, որ Փաշինյանը քաղաքական հետապնդում է իրականացրել ՍԴ նախկին նախագահ Հրայր Թովմասյանի դեմ․ <<Նիկոլ Փաշինյանը պաշտոնավարությանս ընթացքում ինձ ուղիղ հրաման է տվել վախեցնել Հրայր Թովմասյանին ու նրա ընտանիքի անդամներին, գտնել վարկաբեկիչ նյութեր նրանց մասին, քրեական հետապնդումներ իրականացնել>>,- պատմել է նա:
Բայց սա դեռ ամբողջը չէ։ Արթուր Վանեցյանի խոսքով՝ Ադրբեջանի և Հայաստանի հատուկ ծառայությունների միջև եղել է օպերատիվ կապ, որն ի պաշտոնե իրականացրել է ինքը, որպես ԱԱԾ պետ։
Ադրբեջանի հատուկ ծառայության ղեկավարի հանդիպումներն եղել են ամիսը մեկ-երկու անգամ։
<<Ադրբեջանի հատուկ ծառայության ղեկավարի կողմից ինձ փոխանցվել է փակ ծրար, որը հանձնել եմ Փաշինյանին, և հակառակը՝ Փաշինյանից փակ ծրար եմ փոխանցել ադրբեջանական կողմին: Որոշ ժամանակ անց նա /Փաշինյանը-խմբ․/ ասաց, որ ադրբեջանական կողմի հետ իր կապը հետագայում կպահպանեմ ոչ թե ես, այլ կառավարության իր աշխատակազմից մեկը>>,- պատմել է Արթուր Վանեցյանը։
<<Հոկտեմբերի 19-ից հետո պատերազմը չկանգնեցնելը Փաշինյանի համար թիվ 1 նպատակ է ունեցել՝ պահել իր իշխանությունը: Էս մարդը չարիք է, էս մարդը պետք է գնա… չեմ պատկերացնում՝ ո՞նց է էս մարդը քնում, երբ Էրդողանն ու Ալիևը պարում են Շուշիում:
Վստահ եմ՝ հունիսի 20-ի գիշերն այս կապիտուլյանտը մուրճը ձեռքին Ֆեյսբուքով լայվ է մտնելու ու կոչ անի փողոց դուրս գալ. Չխաբվեք, ժողովո՛ւրդ, փողոց դուրս չգաք, էս մարդն արյուն է բերում>>,- հայտարարել է Վանեցյանը:
Այսպիսով՝ Նիկոլ Փաշինյանը հունիսի 20-ից հետո պետք է բացատրություն տա, թե ինչ է փոխանցել Ադրբեջանի հատուկ ծառայության ղեկավարը իրեն։ Ըստ ամենայնի՝ ծրարով փոխանցումն արվել է Ալիևի կողմից։

Հայկ Դավթյան