Հովիկ Աբրահամյանը չի հանձնվում
Արտաշատը շարունակում է կռվախնձոր մնալ իշխանության ու այդ տարածքում տեր ու տնօրեն հռչակված Աբրահամյանների միջեւ։ Քաղաքապետ Արգամ Աբրահամյանի հրաժարականից հետո քաղաքում կրքեր են բորբոքվել ու դեռ թեժանում են։ Արգամ Աբրահամյանը պատգամավոր դարձավ Ծառուկյան դաշինքով պատգամավոր, սակայն Աբրահամյանները չեն ցանկանում քաղաքը հանձնել իշխանություններին, այլ ամեն ինչ անում են այն ժառանգելու իրենց թիմակցին, որն այս դեպքում գործող փոխքաղաքապապետ Գագիկ Պողոսյանն է, ԱԺ պատգամավոր Կարինե Պողոսյանի եղբայրը եւ Հովիկ Աբրահամյանի զարմիկը։ Իշխանությունն էլ իր հերթին չի ցանկանում զիջել Արտաշատը, քանի որ խնդիրը ոչ այնքան մի քաղաքն է ու դրա ղեկավարումը կորցնելը, այլեւ շատ ավելի գլոբալ, այն պետք է դիտարկել ապաքա ներքաղաքական զարգացումների ու պայքարի համատեքստում։ Սերժ Սարգսյանի բոլոր քայլերը տանում են մենիշխանության ամրապնդմանը, որպեսզի 2018-ից հետո դաշտում ինչ-որ առումով գործոն ուժերն ու անհատները հստակ դիրքորոշում հայտնեն՝ իր կամ Կարեն Կարապետյան-Սամվել Կարապետյան տանդեմի միջեւ։ Այս համատեքստում Հովիկ Աբրահամյանի դերակատարումը չի անտեսվում, ինչը բնական է։ Քանի անկախ ամենից Հովիկ Աբրահամյանը ՀՀԿ-ում անկյունաքարային դիրք է զբաղեցրել եւ այսօր էլ ունի ազդեցության դաշտ,հեղինակություն ՀՀԿ-ի ներսում։ Կամ ավելի ճիշտ իշխանությունը Արտաշատը գործիք է դարձնում իր ձեռքում, որով կարող է աշխատել Աբրահամյանների վրա։ Սրա մասին է վկայում այն իրողությունը, որ քաղաքապետի ընտրությունները կայացան ոչ թե հունիսին, այլ հետաձգվել են հոկտեմբեր-նոյեմբեր ամիսներին։ Ոչինչ չէր խանգարում, որպեսզի իշխանությունը մինչեւ հունիս լուծեր Արտաշատի հարցը, բոլոր դեպքերում օրենսդրական անհամապատասխանություն, խնդիր չէր առաջանում, խնդիրը քաղաքական կամքի մեջ է։ Արգամ Աբրահամյանի թիմակիցները դեռ շարունակում են քաղաքում տնօրինել վարչական լծակներին, քաղաքապետարանի աշխատակազմի մեծ մասը Արգամիչի յուրայիններն են, իսկ եթե հունիսին նշանակվեին ընտրություններ, իշխանության համար դժվար կլիներ չեզոքացնել այդ ազդեցությունը։ Ընտրությունը մի քանի ամիս հետաձգվել են, իսկ այդ ընթացքում մամուլին հայտնի է դառնում, թե ինչ է անում իշխանությունը Արտաշատում Հովիկ Աբրահամյանի դիրքերը խարխլելու, նրան չեզոքացնելու ուղղությամբ։ Վարչապետ Կարեն Կարապետյանը շաբաթներ առաջ աշխատանքից ազատեց Հովիկ Աբրահամյանի ամենամտերիմ մարդկանցից մեկին՝ Արտաշատի մարզպետարանի աշխատակազմի ղեկավար Արմեն Մարգարյանին, ով մարզպետարան էր տեղափոխվել նախկին մարզպետ Ռուբիկ Աբրահամյանի պաշտոնավարման տարիներին։Հետո դպրոցի տնօրենի պաշտոններից հեռանալու հրահանգ իջեցվեց մի քանի տնօրենի, որոնք այս կամ այն կերպ առնչվում են Աբրահամյաններին, իսկ այսօր լուր է տարածվել, որ իշխանությունը գնել է նաեւ Արտաշատի հեռուստաընկերությունը։ Ակնհայտ է, որ ամեն ինչ արվում է Աբրահամյաններին ամբողջովին զինաթափելու համար, որպեսզի պայքարելու ոչ մի շանս չունենան, մյուս կողմից չեն հանձնվում նաեւ Աբրահամյանները։ Չնայած տոտալ ճնշումների՝ Արգամ Աբրահամյանը շարունակում է իր եւ ընտանիքի միջեցների հաշվին օժանդակել հայրենի քաղաքին։ Օրերս ֆեյսբուքյան իր էջում նա տեղեկացրել էր սպորտային համալիրի վերանորոգման մասին, որը հանձն է առել ինքը։ Ի վերջո, միայն նման ձեւուվ է հնարավոր դաշտում մնալ եւ ճիշտ ժամանակին, ճիշտ տեղում գործոն դառնալ։ Անի Սահակյան