Թունավորման դեպք Լոռու մարզում

SHAMSHYAN.com-ի տեղեկություններով՝ ոստիկանության Գուգարքի բաժնի հետաքննչական բաժանմունքում նյութեր են նախապատրաստվում այսօր՝ հունիսի 17-ին, Լոռու մարզում տեղի ունեցած թունավորման փաստով։ Ժամը 00։40-ի սահմաններում Վանաձորի բժշկական կենտրոնից ոստիկանության Գուգարքի բաժին տեղեկացրել են, որ «թունավորում» ախտորոշմամբ իրենց մոտ են տեղափոխվել Լերմոնտովո գյուղի բնակչներ՝47-ամյա Ալյոնա Սուկովիցինան, 15-ամյա Աննա Սուկովիցինան, իսկ րոպեներ անց նույն բժշկական կենտրոնի մանկական բաժանմունք են տեղափոխվել նույն ախտորոշմամբ նույն գուղի բնակիչներ՝ 12-ամյա Ալեքսեյ Սուկովիցինը, 6-ամյա Մարիա Սուկովիցինան, 10-ամյա Լիա Սուկովիցինան և 1-ամյա Վերա Սուկովիցինան։ Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Գուգարքի բաժնի օպերատիվ խումբը՝ քրեական հետախուզության բաժանմունքի պետ Մկրտչյանի գլխավորությամբ։ Պարզվել է, որ նշված անձինք թունավորումը ստացել են հունիսի 16-ին, ժամը 20։00-ի սահմաններում, իրենց տանը ջրատաքացման կաթսայից բնական գազի արտահոսքի հետևանքով։ Գ. Շամշյանի տեղեկություններով՝ թունավորվածներից Աննա Սուկովիցինան սովորում է Լերմոնտովի գյուղի միջնակարգ դպրոցի 9-րդ դասարանում, Ալեքսեյ Սուկովիցինը տառապում է «Դաուն» հիվանդությամբ, Լիա Սուկովիցինան սովորում է նույն գյուղի միջնակարգ դպրոցի 4-րդ դասարանում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: