Նիկոլի հատուկ նշանակության զոմբին անգնահատելի խորհուրդ է տվել շեֆին

 ԱԺ իմ քայլական պատգամավոր Հովիկ Աղազարյանը հայտարարել է, թե Արա Այվազյանը արտգործնախարարի պաշտոնից հրաժարական է տվել երկրորդ նախագահ Ռոբերտ Քոչարյանի դրդմամբ։ <<Իրենք ոչ թե հրաժարական են տվել, այլ փախել են, փախել են մարտի դաշտից։ ԱԳ նախարարին Քոչարյանն ասելա՝ դուրս արի աշխատանքից, թող ժողովուրդը իմանա, որ էս իշ խանությունը չի կարողանում տիրապետի իրավիճակին, որ մեզ ընտրի։

Իրեն հանձնարարել են, որ դուրս գա, որ էս լարվածությունը խորացնի ներքաղաքական, որ հայտնի ուժերը ավելի բարձր, իրենց պատկերացմամբ, արդյունք արձանագրեն ընտրություններում։ Արա Այվազյանը պետք է պատասխան տա, երբ որ Արցախը դուրս մղվեց բանակցությունների սեղանից, ինչի՞ գլուխը չտվեց պատին, ինչի չհելավ բարձր հորջորջեր «Ռոբերտ Քոչարյան դավաճան, քանզի դու սենց բան ես անում, ես դուրս եմ գալիս», խի՞ չարեց բա էն ժամանակ։ Ասել են՝ փախի, փախելա, էդքան բան>>,- հայտարարել է Հովիկ Աղազարյանը։

Նիկոլ Փաշինյանն էլ հայտարարել է, թե իր կողմից գեներալ-գնդապետի կոչում ստացած Օնիկ Գասպարյանը դարձել է գյուղերում Ռոբերտ Քոչարյանի բուկլետ բաժանողը։ Միաժամանակ նաև արդարացել է, թե ժամանակին Օնիկ Գասպարյանին գլխավոր շտաբի պետ է նշանակել՝ հաշվի առնելով ոլորտի մասնագետների կարծիքը։ Առ այսօր իրեն հարգող որևէ ոլորտի մասնագետ չի ասել, թե Նիկոլ Փաշինյանը բավարար ունակություններ ունի՝ կառավարելու երկիրը։ Բայց եթե, ինչպես Փաշինյանն անձամբ է խոստովանում, ռազմական ոլորտի մասնագետները ԳՇ պաշտոնի համար երաշխավորել են Գասպարյանին, կնշակի նա ունեցել է մասնագիտական արժանիքներ, որի կարևոր բաղադրիչն են նաև հայրենասիրությունն ու պաշտպանության կազմակերպումը։

Ստացվել է այնպես, որ Օնիկ Գասպարյանը պահանջում է Նիկոլ Փաշինյանի հրաժարականը և գտնում է, որ նա չունի ռազմական գիտելիքներ՝ ղեկավարելու պատերազմող երկիրը։ Ինչո՞ւ պետք է չհավատանք Օնիկ Գասպարյանին և լուրջ ընդունենք Նիկոլ Փաշինյանի մեղադրանքը, թե Օնիկ Գասպարյանը դատարանում պատասխան պետք է տա Շուշիի համար։ Այն Շուշիի, որին ինքը դժգույն ու դժբախտ քաղաք էր համարում։

ԱԳ նախկին նախարար Արա Այվազյանը հրաժարականի տեքստում շատ բաց հայտարարեց, որ հեռանում է, քանի որ չի ուզում պետության շահին դեմ որևէ քայլ անել։ Հրաժարական են տվել նաև ԱԳ նախարարի տեղակալները։ Նիկոլ Փաշինյանը դեռ չի մեկնաբանել դիվանգիտական կորպուսի հրաժարականը։ Եվ հենց այստեղ է, որ Հովիկ Աղազարյանի լուսապայծառ ուղեղի փայլատակումը կարող է չափազանց օգտակար լինել։ Մարդը օգտակար խորհուրդ է տվել շեֆին՝ թող օգտվի։ Փաստորեն, Ռոբերտ Քոչարյանը, չունենալով իշխանություն, կարողանում է ավելի շատ հարցեր լուծել, քան վարչապետի աթոռին բազմած Նիկոլ Փաշինյանն ու նրա զոմբիների հավաքածուն։

Հենց դրա համար էլ ասում ենք՝ Փաշինյանը պետք է հեռանա, որպեսզի իշխանությանը գա այն մարդը, ով կարողանում է ազդեցություն թողնել և՛ դիվանգետների, և՛ զինվորականների վրա։ Իշխանությունը անճարակների տեղ չէ։

Հայկ Դավթյան