Նիկոլ Փաշինյանը ցուցմունք է տվել՝ պետական դավաճանության գործով
Արտաշատում ունեցած նախընտրական հանդիպման ժամանակ Նիկոլ Փաշինյանը հայտարարել է, որ առաջիկայում իրավապահ մարմինների կողմից կհրապարակվի հայտարարություն՝ պետական դավաճանության մասին։
Ըստ նրա՝ խոսքը նրա մասին է, որ կամավորական ջոկատներից մեկի հրամանատարը եղել է Ադրբեջանի հատուկ ծառայությունների գործակալ և 44 օրյա պատերազմի ընթացքում լրտեսություն է կատարել հօգուտ Ադրբեջանի։ Ադրբեջանական գործակալը՝ գտնվելով մարտի դաշտում Հադրութի շրջանում հայկակական ուժերի տեղակայման վերաբերյալ տեղեկություններ է հաղորդել հակառակորդին։ <<ԱԱԾ-ն այդ մարդուն արդեն ձերբակալել է։ Ես գիտեմ նրա անուն-ազգանունը, գիտեմ այն ջոկատի անունը, որի հրամատարն է եղել, և առաջիկա օրերի այդ ամսին կլինի հաղորդագրություն>>,- հայտարարել է Փաշինյանը։ Նա ավելացրել է, սա կոնկրետ պետական դավաճանության դեպք է, որն, իհարկե, դեռ պետք է ապացուցվի։
Փաշինյանը նաև ասել է, թե ինքը համացանցում տեսել է կադրեր, որոնք իրեն չափազանց զարմացրել են․ <<Ամբողջական զորամաս՝ զենք-զինամթերքի լիքը պահեստներով, ինչպես՞ կարող էր զինանոցը, ամբողջությամբ լիքը՝ զենք-զիանամթերքով, մնալ լքված>>,- հայտարարել է նա։
Այսպիսով՝ Փաշինյանն ըստ էության ցուցմունք է տվել ինքն իր դեմ, քանի որ որպես գերագույն գլխավոր հևրամանատար պարտավոր էր ուժային կառույցների և մասնավորապես Ազգային անվտանգության աշխատանքն այնպես համակարգել, որ նման խոշոր բացթողումը պարզապես բացառվեր կամ գոնե կանխվեր ի սկզբանե։ Հարուցվող քրեական գործում ինքը՝ Նիկոլ Փաշինյանը և այդ ժամանակվա ԱԱԾ պետ Արգիշտի Քարամյանը պետք է ներգրավվեն առնվազն որպես վկա, ապա նաև մեղադրյալ։
Այդ ինչպե՞ս եղավ, որ հայկական բանակում ադրբեջանական գործակալները, այն էլ հրամանատարի դերում, այն էլ պատերազմի ժամանակ հայտնվեցին հենց Նիկոլ Փաշինյանի կառավարման շրջանում։ Ինչո՞ւ Փաշինյանի ու իր զոմբիների կողմից այդքան չսիրված նախկինների ժամանակ նման դեպքեր չէին գրանցվում։ Բնական է, որ հակառակորդը միշտ էլ ցանկացել է լրետեսներ ուղարկել մեր երկիր ու հատկապես դրանց ներդնել պաշտպանության համակարգում։ Բայց եթե թշնամին այդ հարցում ակնառու հաջողությունների է հասել հենց Փաշինյանի ղերակավարման օրոք, կնշանակի ինչու հարցի պատասխանը պետք է տա հենց ինքը՝ Նիկոլ Փաշինյանը։
Հայկ Դավթյան
Հետևեք մեզ Viber-ում
