Ադրբեջանցիները Գեղարքունիքում մեքենաները կանգնեցնում են, անգամ փորձում խուզարկել. Թաթոյան
ՀՀ մարդու իրավունքների պաշտպանն ահազանգում է, որ ադրբեջանական զինված ծառայողները Գեղարքունիքի գյուղերի հարևանությամբ` արոտավայրերում ապօրինաբար կանգնեցնում են գյուղացիներին և բացատրություններ պահանջում` ի՞նչ ուղղությամբ են շարժվում, ի՞նչ նպատակով, փորձում են իրականացնել մեքենաների ապօրինի խուզարկություններ, սպառնում են: Արման Թաթոյանը ֆեյսբուքյան իր էջում է գրառում արել` հայտնելով այդ մասին։
Ըստ Թաթոյանի` իր հայտարարությունը վերաբերում է Գեղարքունիքի մարզի Վերին Շորժա, Ներքին Շորժա, Նորաբակ, Կութ գյուղերում սահմանային բնակիչների իրավունքների խախտումներին։
«Չի կարող պետության սահմաններին վերաբերող որևէ գործընթաց համարվել ընդունելի, եթե դրա արդյունքում խաթարվել են սահմանային բնակիչների բնականոն կյանքը, կոպտորեն խախտվել ու շարունակում են խախտված կամ լրջորեն վտանգված մնալ նրանց իրավունքները: Այսպիսով, անվտանգության գոտու ստեղծումը բացարձակ անհրաժեշտություն է»,-գրում է Թաթոյանը։
Հետևեք մեզ Viber-ում
