Սարդարապատից մինչև Նիկոլ․ նա իսկապես անմեղ է, որովհետև դավաճան է և տգետ

Առաջին հանրապետության օրվա առիթով պարտության սիմվոլի վարածված Նիկոլ Փաշինյանի այցելությունը Սարդարապատի հուշահամալիր հակասում էր տոնի խորհչդին՝ պատմական և բարոյական առումով։ Կապիտուլացիայի ակտն ստորագրած Նիկոլը բարոյական որևէ իրավունք չուներ այցելել հաղթանակի հուշահամալիր, որովհետև նա կայացած հաղթանակները վերածեց պարտության։
Այցից հետո Փաշինյանը հանդիպման է գնացել իր համակիրների հետ և հանդես եկել արդարացումների և մեղադրանքների նոր շարանով։

Փաշինյանն ասել է, որ պատերազմից հնարավոր չէր խուսափել։ «Երբ երկրաշարժ է լինում, ժողովուրդն ասում է՝ դե, ցեմենտը կերել էին, արմատուրան նորմալ չէր, դրա համար տեղի ունեցավ։ Պատերազմի դեպքում էր նույնը կարող ենք ասել։ Ես չէի ուզի ասեն՝ նորից նախկինների՞ն եք մեղադրում․․․ Լևոն Տեր-Պետրոսյանը ձևակերպում է, թե Ղարաբաղի հարցով վիճակը էս էր, էս էր, բայց չի ձևակերպում ղարաբաղյան հարցի կարգավորման իր պատկերացումը որն էր ու որն է։ Պետք է ասեր, որ Ղարաբաղի հարցի կարգավորման իր պատկերացումը հետևյալն է, որ մենք պետք է Ղարաբաղը ամբողջությամբ տանք Ադրբեջանին և հարցը փակվի։ Եթե ասվում է խոսքը, պետք է ասվի մինչև վերջ»,-հայտարարել է Փաշինյանը՝ մեկնաբանելով նախօրեին՝ Հանրային հեռուստաընկերության եթերում առաջին նախագահի հարցազրույցում հնչեցված թեզերը։
Տեր-Պետրոսյանն արդեն արձագանքել է նրան՝ նշելով, որ հերթական անգամ ապացուցել է, որ ոչինչ չի հասկանում քաղաքականությունից, չի հասկանում ո՛չ իր ընդդիմախոսների և ո՛չ նույնիսկ դաշնակիցների, ինչպիսին է Ռուսաստանը, ուղիղ, շիտակ ասված խոսքերը: Ըստ առաջին նախագահի՝ նա չի հասկանում անգամ, թե ինչում է մեղադրում իրեն, ասելով, թե վերջինս ուզում է Ղարաբաղը հանձնել Ադրբեջանին: <<Մի բան, որ ինքն արդեն «փառավորապես» իրականացրել է՝ Ղարաբաղը ոտքով-գլխով հանձնել է Ադրբեջանին>>,- նշվում է Լևոն Տեր-Պետրոսյանի խոսնակ Արման Մուսինյանի գրառման մեջ։
Փաշինյանը Առաջին նախագահին նաև մեղադրել է երկրորդ նախագահի Ռոբերտ Քոչարյանի հետ մարդկային հարաբերությունները պահպանելու համար․ <<Էդ կարողա՞ Մարտի 1-ին ևս էդ կապն եղել է, մենք չենք իմացել>>,- նշել է նա։
Իսկ մեղադրանքներից ամենաուշագրավը բաժին է հասել ՀՅԴ-ին, ոը Փաշինյանին անընդհատ մեղադրում է դավաճանության համար։
<<Ինձ դավաճանության մեջ մեղադրում է այն քաղաքական ուժը, որն ստորագրել է Բաթումի և Ալեքսանադրապոլի պայմանագրերը>>,-հայտարարել է Փաշինյանը՝ պնդելով, որ ինքն այս պատմության մեջ ոչ թե մեղադրյալ է, այլ մեղադրող։
Իրավամբ, երևի թե պետք է շնորհակալ լինել Փաշինյանին, որ Վարդան Մամիկոնյանի և Ավարյարի ճակատամարտի մասին չի հիշատակել։ Ի վերջո, եթե ըստ Փաշինյանի՝ 100 տարի առաջվա պայմանագրերն այսօր կարող են գործի դրվել, որպես ակտուալ փաստարկներ, ապա ինչո՞ւ չեն կարող 5-րդ դարի պատմական իրադարձությունները ընկած լինել իր դեմ նախապատրաստված պետական դավաճանության հիմքում։
Նա նաև խոսել է գերիների մասին, նշելով, որ Ադրբեջանն այժմ հատուկ է ձգձգում գերերի վերադարձի հարցը, որ ցավեցնի մեզ։
Ընդհանուր՝ նրա հռետորաբանությայն ողջ ենթատեքստը մեկն էր՝ մեղավոր են բոլորը, բացի իրենից։ Պատերազմ ն ու պարտությունննէլ անխուսափելի էին։

Հայկ Դավթյան