Խայտառակ միջադեպ՝ Նիկոլ Փաշինյանի հետ հանդիպմանը. քաղաքացին վառեց թաղապետին (video)
Դավթաշենում Նիկոլ Փաշինյանի հետ հանդիպման ժամանակ նրա փոքրաթիվ աջակիցներից մեկը, ով ներկայացավ որպես Ատոմ Երեմյան, այսպես ասած, խայտառակ արեց Դավթաշենի թաղապետ Միքայել Թումասյանին:
Այդ քաղաքացին նախ ասաց, որ զինվորականի հայր է, որդին փոխգնդապետ է, մասնակցել է պատերազմին ու կարողացել է առանց զոհերի իր զորքը ետ քաշել մինչև պատերազմի ավարտը: Նա նաև ասաց, որ իր բակի բեսեդկայում մի փոքր գրասենյակ է բացել ու ամեն ժամ պրոպագանդում է Փաշինյանի թիմին:
Քաղաքացին ասաց, որ չգիտեր Նիկոլ Փաշինյանի հետ կայանալիք հանդիպման մասին ու մի կարևոր բացահայտում արեց, որը կարելի է խայտառակություն անվանել․ «Առավոտյան, ի պատիվ մեր թաղապետի, նա զանգահարեց տուն, ասաց՝ ձյաձ Ատոմ, արի, պարոն Փաշինյանը գալու է, արի, որ հանդիպես երկու բառ էլ ասես»,-ասաց նա:
Քաղաքացին, փաստորեն փաստեց, որ թաղապետը զանգահարում է մարդկանց ու հավաքում Նիկոլ Փաշինյանի համար:
Բացի դրանից, նրա խոսքերից կարելի է արձանագրել, որ թաղապետը ուղիղ հրահանգ է տալիս, որ պետք է ինչ-որ բան ասել Փաշինյանի հետ հանդիպմանը:
Հետևեք մեզ Viber-ում
