Մոսկվայի «նվերները» Բաքվին շարունակվում են

ՄԱԿ-ի սովորական սպառազինությունների ռեգիստրում հրապարակվել են 2016-ին Ռուսաստանից տարբեր երկրներ արտահանված սպառազինության մասին տվյալները, որոնց համաձայն՝ նախորդ տարի Ռուսաստանը Ադրբեջանին է մատակարարել 6 միավոր խոշոր տրամաչափի հրետանային համակարգեր: Հավանական է, որ սա նախկինում ձեռք բերված համաձայնագրերով մատակարարման ենթակա զինտեխնիկայի մի մասն է: Դեռ անցած տարի հայտնի էր դարձել, որ Ռուսաստանից Ադրբեջան դեռ չի մատակարարվել որոշ քանակի տանկեր, հետևակի մարտական մեքենաներ և մի քանի տեսակի հրետանային միջոցներ: Ըստ ЦАМТО վերլուծական կենտրոնի՝ 2011-ին Ադրբեջանը Ռուսաստանից պատվիրել էր հետևյալ հրետանային համակարգերը: «Մստա-Ս» ինքնագնաց հաուբից (պատվիրված էր 18 միավոր, նախատեսված էր մատակարարել 2013 թ.), «Վենա» ինքնագնաց հրանոթ / ականանետ (18 միավոր, 2013 թ.), «Սմերչ» ՀԿՌՀ (18 միավոր, 2012 թ.), «Սոլնցեպյոկ» ծանր հրանետ (6 միավոր, 2013–14 թթ. ևս 12 միավոր պատվիրված էր 2013-ին), 2Բ24/2Բ11 ականանետներ (400 միավոր, 2013 թ.), Նշենք նաև, որ նույն զեկույցով ևս մեկ անգամ հաստատվել է նաև Հայաստանին դյուրակիր զենիթահրթիռային համալիրների մատակարարումները: Ինչպես հայտնի է, հունիսի 12-ից Նախիջևանում մեկնարկել էր Թուրքիայի և Ադրբեջանի զինված ուժերի համատեղ զորավարժության հերթական փուլը: Զորավարժության վերաբերյալ ռեպորտաժներից մեկի հիման վրա ներկայացնում ենք զորավարժությանը ներգրավված զինտեխնիկայի տեսակները: Վարժանքներին ներգրավված է շուրջ 5000 զինծառայող և 250-ից ավելի զինտեխնիկա: Զորավարժության ներգրավված է եղել հետևյալ ռազմական տեխնիկան` Տ-72/90 տանկեր, ԲՄՊ-2, ԲՏՌ-80 զրահափոխադրիչներ, ACV թուրքական հետևակի մարտական մեքենա, «Սենդքեթ» զրահամեքենա, «Կոբրա» զրահամեքենաներ, «Քասըրղա» համազարկային կրակի ռեակտիվ համակարգ, «Գրադ» համազարկային կրակի ռեակտիվ համակարգեր, «Սաքարյա T-122» համազարկային կրակի ռեակտիվ համակարգ, «Գվոզդիկա» ինքնագնաց հաուբիցներ, Մ-46 քարշակվող հաուբիցներ, «ՕՍԱ» ՀՕՊ զենիթահրթիռային համալիրներ, ՄՏԼԲ ԶՈւ-23-2 քարշակի վրա դրված զենիթային հրանոթներ, Մի-24/35 հարվածային ուղղաթիռներ, Մի-8/17 բեռնատար ուղղաթիռներ (Սպառազինությունը՝ տարբեր տեսակի հրթիռներ (6 կախոց՝ ընդհանուր 4 տոննա բեռնատարողությամբ): Իսրայելի օգնությամբ արդիականացված տարբերակները կարող են ունենալ նաև հակատանկային կառավարվող հրթիռներ: Բացի այդ, հունիսի 13-ին Վրաստանի Ադրբեջանի և Թուրքիայի հատուկջոկատայինների «Կովկասյան արծիվ» 2017» համատեղ վարժանքների շրջանակներում Վրաստանի «Վազիանի» զորավարժարանում անցկացվել են ցուցադրական վարժանքներ: Վարժանքներին ներգրավվել է ավիացիա, իրականացվել են նաև մարտական կրակով վարժանքներ: Ինչպես հայտնում է Վրաստանի ՊՆ մամուլի ծառայությունը: Ցուցադրական վարժանքների ժամանակ իրականացվել են դեսանտային վարժանքներ, ապա կրակային և ավիացիոն աջակցությամբ «ոչնչացվել է» պայմանական հակառակորդը, գերիները ազատ են արձակվել, իսկ վիրավորները՝ տարհանվել: «Կովկասյան արծիվ» տասնօրյա վարժանքները Վրաստանի տարածքում անցկացվում են առաջին անգամ: Զորավարժությունն ավարտվելու է վաղը՝ հունիսի 14-ին: «Կովկասի արծիվ» վարժանքները անցկացվում են 2009-ից, մինչ այս դրանք անցկացվել են Թուրքիայի տարածքում: Վարժանքներին ամենամեծ ներգրավվածությունը ունի թուրքական զինուժը: Թուրքիայի ԶՈւ-ն զորավարժությանը ներգրավվել է հատուկ նշանակության մեկ դասակ, մեկ պրոֆեսիոնալ դիպուկահար, երկու միավոր բազմանպատակ ուղղաթիռ և մեկ միավոր բեռնափոխադրիչ ինքնաթիռ: Թամար Բագրատունի