Փաշինյանը անվտանգության 10 մեքենաների ուղեկցությամբ ժամանեց Սարդարապատի հուշահամալիր (video)

Չնայած նրան, որ պաշտոնապես հայտարարվել էր, որ մայիսի 28-ի կապակցությամբ Սարդարապատ տանող ճանապարհը և մուտքը քաղաքացիների համար փակ է լինելու ժամը 08։00֊ից մինչև 11։00֊ն, սակայն Ոստիկանության մի քանի տասնյակ մեքենաներ, ծառայողներ ու Նիկոլ Փաշինյանի անվտանգության` Պետական պահպանության ծառայության ծառայողներ ժամը 07։00-ից փակ են պահում Սարդարապատի մուտքը ոչ միայն քաղաքացիների, այլ նաև լրագրողների համար։ Այս մասին հայտնում է Tert.am-ի թղթակիցը։

Եղել են նաև լրագրողներ, որոնք դիմել են ՄԻՊ գրասենյակ՝ հայտնելով, որ խոչընդոտվում է իրենց աշխատանքը և հայտարարության մեջ լրագրողների աշխատանքի սահմանափակման մասին ոչինչ ասված չի եղել։