Ո՞վ էր Սևանում էնտուզիազմով ու կրքով Նիկոլ Փաշինյանին պաշտպանողն ու նախկիններին քննադատողը

«Փաստ» օրաթերթը գրում է

Իշխանություններն սկսել են ավելի ու ավելի հաճախ կազմակերպել ցուցադրական շոուներ, որպեսզի ցույց տան, թե հանրության մեջ կան մարդիկ, որոնք պատրաստ են քվե տալ իրենց: Օրինակ՝ վերջերս իշխանական լրատվամիջոցներից մեկում հրապարակվել էր մի տեսանյութ, ուր իբր պատահական քաղաքացիները Սևան քաղաքում կարծիք էին հայտնում: Մասնավորաբար, Սևանի շուկայում մի մարդ այնպիսի պաթոսով, էնտուզիազմով ու կրքով էր պաշտպանում Նիկոլ Փաշինյանին ու քննադատում նախկիններին, որ կասկածի տեղիք տվեց: Մենք փորձեցինք Սևանում հարցուփորձ անել, և պարզվեց, որ այդ մարդը Աղվան Գրիգորյանն է, որը, մեր աղբյուրի փոխանցմամբ, ամենևին էլ պատահական անցորդ չէր, այլ Սևանի քաղաքային շուկայի տնօրենը:

Ավելին, նա արդարադատության նախարարի առաջին տեղակալ Քրիստիննե Գրիգորյանի հայրն է: Սևանում մեր թղթակցին նաև ասել են, որ այս հարցման «անթերիությունը» ապահովել է հենց Աղվան Գրիգորյանը՝ նկարահանման հրավիրելով շուկայի աշխատակիցներին ու իր ծանոթներին, որպեսզի ինտենսիվ գովաբանեն Նիկոլ Փաշինյանին ու քննադատեն «նախկիններին»:

Մանրամասները՝ «Փաստ» օրաթերթի այսօրվա համարում