Ռոբերտ Քոչարյանի հիմնական ցուցակը հայտնի է
hayeli.am-ին հայտնի է դարձել «Հայաստան» դաշինքի հիմնական ցուցակը: Դաշինքը կգլխավորի ՀՀ երկրորդ նախագահ Ռոբերտ Քոչարյանը, երկրորդ համարը կլինի ՀՅԴ ԳՄ անդամ Իշխան Սաղաթելյանը, եռյակը կեզրափակի Վահե Հակոբյանի քվոտայով նախկին Իմքայլական Աննա Գրիգորյանը:
Ցուցակում չորրորդը կլինի «Վերածնվող Հայաստան» կուսակցության ղեկավար Վահե Հակոբյանը, հինգերորդը ՀՀ նախկին փոխվարչապետ Արմեն Գևորգյանը, վեցերորդը ՀՅԴ-ական Լիլիթ Գալստյանը, 7-րդը դաշնակցական Արմեն Ռուստամյանը, 8-րդը ՀՀ ՊՆ նախկին նախարար Սեյրան Օհանյանը, 9-րդը՝ Էլինար Վարդանյանը, տասնյակը կեզրափակի ՀՅԴ-ական Արծվիկ Մինասյանը:
Ցուցակի երկրորդ տասնյակը կգլխավորի «Մեկ Հայաստան» կուսակցության հիմնադիր Արթուր Ղազինյանը, 12-րդը՝ դաշնակցական Արմենուհի Կյուրեղյանը, 13-րդը՝ Աղվան Վարդանյանը, ցուցակում 15-րդը կլինի դաշնակցականների քվոտայով հեռուստահաղորդավար Ագնեսա Խամոյանը: Երկրորդ տասնյակում կլինի նաև քաղաքագետ Անդրանիկ Թևանյանը, ինչպես նաև երկրորդ տասնյակում կլինեն ևս երկու դաշնկացական և երկու ներկայացուցիչ «Վերածնվող Հայաստան» կուսակցությունից:
Ցուցակը կազմվել է հետևյալ սկզբունքով՝ յուրաքանչյուր տասնյակում կլինեն չորս ներկայացուցիչ Ռոբերտ Քոչարյանի կողմից, չորսը՝ ՀՅԴ-ից, երկուական էլ «Վերածնվող Հայաստան» կուսակցությունից:
Հետևեք մեզ Viber-ում
