Ինչ է ծրագրում Սասուն Միքայելյանը. ինչու է նա հեռանում
ԵԿՄ նախագահ, ԱԺ պատգամավոր Սասուն Միքայելյանը հայտարարությամբ է հանդես եկել։
Նա նշել է, թե իբրեւ հաղթած պատերազմի հրամանատար անընդունելի է համարում անհասկանալի այս պատերազմում պարտվածի կարգավիճակի գիտակցմանը համակերպվելը, ուստի որոշել է պահպանել միայն երկրապահի իր կարգավիճակը եւ դուրս գալ քաղաքականությունից. «Որոշել եմ չառաջադրվել որպես թեկնածու հունիսի 20-ին կայանալիք արտահերթ ընտրություններին»,-ասել է Միքայելյանը։
Սասուն Միքայելյանի հայտարարությունը երկու բան կարող է նշանակել: Նախ՝ մի՞թե սա հենց այն նույն մարդը չէ, որ հայտարարեց, թե իրենց «թավշյա» հեղաշրջումը շատ ավելի կարևոր է, քան Արցախի ազատամարտում ունեցած հաղթանակը: Հաղթած պատերազմի հրամանատար, զատամարտի անմիջական մասնակից լինելով՝ այն որպես ոտանշոր փռեց մի անարժանի ու կապիտուլյանտի ոտքերի տակ՝ դասալիքների, սորոսաթուրքական գործակալների հեղաշրջումը ավելի կարևոր համարելով, քան Արցախը: Բա էլ ի՞նչ էր ուզում և ումից, մտածում էր, որ Նիկոլ Փաշինյանը պետք է պահի ու պահպանի՞ Արցախը, մի՞թե Սասուն Միքայելյանն այդ հայտարարությամբ նաեւ Փաշինյանին Արցախի հարցով ղումարբազ չդարձրեց, եւ հողատուն էլ ինչ ուզեց, այն էլ բանակցեց՝ ծաղկուն Արցախը նվիրելով իր կիրթ բարեկամին:
Իհարկե, պատերազմից հետո Սսասուն Միքայելյանը ինչ-որ առումներով փոխել էր վերաբերմունքը Փաշինյանի նկատմամբ եւ երբեմն-երբեմն իր հարցազրույցներում ինչ-որ ակնարկներ է արել պատերազմի անհասկանալի լինելու եւ Արցախը կորցնելու մասին, բայց մեծիմասամբ նա ակնհայտ փարիսեցիություն էր անում՝ մեկ նալին, մեկ մեխին խփելով, մեկ նախկիններին մեղադրում այսօրվա վիճակի համար, մեկ Նիկոլ Փաշինյանին անուղղակի վերագրում այն: 90-ականների հրամանատարն օրինակ ասում էր, թե բանակ չունենք, որ նախկինները դղյակներ կառուցելու փոխարեն պետք է Շուշիից Հադրութ ստորգետնյա թունել կառուցեին, բանակ զինեին եւ այլն: Համառորեն չէր պատասխանում Փաշինյանի դավաճան լինելու հարցին
«Ով ուզում է դավաճան լինի, Փաշինյյանը լինի, մեկ ուրիշը լինի պատմության, ժողովրդի դեմ պատասխան են տալու: Եթե իրենք լավ գիտեն, որ Փաշինյանը դավաճան է, թող գնան ապացուցեն, ես հո Փաշինյանին չեմ պահում»,-ասում էր նա:
Ինչեւէ, հիմա Սասուն Միքայելյանը թերեւս վերջնաարդյունքի է եկել պատերազմի <<անհասկանալի>> լինելու փաստում եւ ասում է, թե նման պատերազմում պարտվածի <<կարգավիճակի գիտակցմանը համակերպվելն>> անընդունելի է: Ինչ է մտադիր անել Սասուն Միքայելյանը, եթե անընդունելի է համակերպվելը, արդյոք նրա այս հայտարարությունն այն բանի համար էր, որ շուտով ԵԿՄ-ն ֆիդայական շարժում է սկսելու մեր սահմաններին, թե նա այլ ծրագիր ունի, կիմանանք մոտ ապագայում: Եւ կհասկանանք, արդյոք Միքայելյանը քաղաքական դաշտից չի հեռանում Փաշինյանի հետ շահավետ գործարքի արդյունքում, կլինի դա պաշտոն՝ պաշտպանության նախարարի, թե այլ տեսքով, կամ միգուցե այլ արտոնություն: Թե իսկապես նա էլ հասկանում է, որ այս իրավիճակը լավ տեղ չի տանում եւ աչքի առաջ ունենալով երրորդ հակահայ փաստաթուղթը եւ դրանից բխող հետեւանքները, որոշել է անկյուն քաշվել:
Անի Սահակյան
Հետևեք մեզ Viber-ում
