Այո՛, ես այդ թուղթը ստորագրելու եմ. Փաշինյանը՝ իր և Ալիևի նոր պայմանավորվածության մասին (video)
Պետք է վերլուծել, թե աշխատանքային թղթերը որտեղից են նրանք ստանում: Այս մասին Կառավարության նիստի մեկնարկին գործադիրին ասաց Նիկոլ Փաշինյանը՝ նկատի ունենալով երեկ տարածված փաստաթուղթը, որը հրապարակել էր Սուրբ Աթոռում ՀՀ նախկին դեսպան Միքայել Մինասյանը:
Ինչպես ասաց` համացանցում հրապարակվում է թուղթ, որի բովանդակության 90 տոկոսը ծածկված է, և դա ներկայացվում է որպես ապացույց, որ ՀՀ կառավարությունը ստորագրում է հակահայկական փաստաթուղթ։
«Պատկերացրեք այս թուղթը հրապարակենք, ամբողջ բովանդակությունը ծածկենք ու ասենք՝ սա ապացույց է։ Եթե այդպես է, ուրեմն դրա տողերը ոչ թե պետք է թաքցվեն, այլ բացվեն ու ներկայացվեն հանրությանը, ինչու՞ եք թաքցնում։ Այս գործողություններն այլ կերպ, քան Ադրբեջանի տեղեկատվական պայքարի գործակալական ցանցի գործունեություն չեմ կարող որակել։ Չգիտեմ դե յուրե դա ինչ ձևակերպում ունի, բայց իմ քաղաքական գնահատականը դա է և այլ կերպ լինել չի կարող։ Ընդ որում պետք է վերլուծել, թե այդ աշխատանքային թղթերը որտեղից են նրանք ստանում։ Ինչքան վերլուծում եմ, միակ աղբյուրը որտեղից կարող են ստանալ, դա Ադրբեջանն է։ Եռակողմ խոսակցություն է գնում՝ Ռուսաստան, Հայաստան և Ադրբեջան, ինչքան վերլուծում եմ, հասկանում եմ, որ այդ թղթերը ստանում են Ադրբեջանից»,-ասաց Նիկոլ Փաշինյանը։
Ինչ վերաբերում է իր գործողություններին, ապա Նիկոլ Փաշինյանն ասաց, որ միջզգային գործընկերների հետ պայմանավորվածություններ են ձեռք բերված.«Եթե Ադրբեջանն այդ պայմանավորվածությունները իրագործի և այն պայմաններում, ինչ որ խոսել ենք, այո, ես այդ թուղթը ստորագերլու եմ, որովհետև դա 100 տոկոսով համապատասխանում է ՀՀ շահերին, ոչ թե 99 տոկոսով, այլ 100 տոկոսով: Թուղթը չեմ հրապարակի, որովհետև աշխատանքային թուղթը հրապարակելը կոռեկտ չէ»:
Հետևեք մեզ Viber-ում
