Երբ Իրանը կստանա ռուսական S-300 զենիթահրթիռային համալիրները

Mashriq գործակալության փոխանցմամբ՝ Ռուսաստանն ու Իրանը պայմանագիր են ստորագրել Թեհրանին S-300 զենիթահրթիռային համալիրներ մատակարարելու մասին, և Իրանի կողմից այդ համալիրների ստացման ժամկետի մասին կհայտարարվի ավելի ուշ։ Այդ մասին հայտարարել է Ւրանի զինված ուժերի Գլխավոր շտաբի պետ Հասան Ֆեյրուզ Աբադին. «Պայմանագիրը ստորագրված է, սակայն մատակարարման ու ստացման ժամկետների մասին կհայտարարվի մոտ ժամանակներս։ 15 օր անց անցկացվելու են Իսլամական հեղափոխության պահակազորի կորպուսի հրթիռային զորավարժությունները»։ Սրանից առաջ ՌԴ նախագահի մամլո քարտուղար Դմիտրի Պեսկովը հայտարարել էր, որ դեռ վաղ է խոսել Իրանին S-300 զենիթահրթիռային համալիրներ մատակարարելու ստույգ ժամկետների մասին, քանի որ Իրանը խնդիրներ ունի վճարման հետ կապված։