ՀԱՊԿ-ին դիմելը սադրանք,թե անճարություն

Այսպիսով՝ չնայած երկու օր շարունակ Նիկոլ Փաշինյանի անմեղսունակ թիմակիցները արծրունհովաննիսյանական ոճով հերքում էին, թե Սյունիքում վտանգավոր իրավիճակ է, ասում էին, որ թշնամին առաջխաղացում չի ունեցել, ընդամենը դիրքային ճշգրտումներ են ընթանում, սակայն այսօր պարզ դարձավ, որ իրավիճակը ըստ Նիկոլ Փաշինյանի <պայթունավտանգ> է.«Մեր գնահատականը միանշանակ է. ստեղծված իրավիճակը լիարժեքորեն համապատասխանում է Հավաքական անվտանգության պայմանագրի հոդված 2-րդի 2-րդ պարբերությանը, որի համաձայն մեկ կամ մի քանի մասնակից պետությունների անվտանգությանը, տարածքային անվտանգությանը, ամբողջականությանն ու ինքնիշխանությանը սպառնացող վտանգի դեպքում մասնակից պետություններն անմիջապես կակտիվացնեն համատեղ խորհրդատվությունների մեխանիզմը և ծագած սպառնալիքը վերացնելու նպատակով միջոցներ ձեռնարկելու համար»- ասաց Նիկոլ Փաշինյանը:

Նա բառացիորեն ասաց՝ Սյունիքի մարզի Սև լճի շուրջ և մերձակա տարածքներում իրավիճակը շարունակում է պայթյունավտանգ մնալ։

«Հայաստանի Զինված ուժերը մարտավարական բնույթի հակագործողություններ են իրականացրել։ Հարակից որոշ տարածքներում դիրքավորված ադրբեջանցիները մեր զինուժի մարտավարական հակագործողությունների արդյունքում հեռացել են զբաղեցրած բնագծերից։ Ո՛չ Հայաստանի, ո՛չ Ադրբեջանի զինված ուժերի ներկայաացուցիչների կողմից այս պահի դրությամբ հրազենի կամ այլ զինատեսակի կիրառմամբ դեպք չի գրանցվել։ Այնուամենայնիվ, ադրբեջանական զինուժի շուրջ 250 ներկայացուցիչներ այս պահին շարունակում են գտնվել մեր պետական սահմաններից ներս՝ Սյունիքի եւ Գեղարքունիքի մարզերի որոշ հատվածներում» , - հակյտարարեց Փաշինյանը։
Հիշեցնենք, որ անցած օրերին հակառակորդի ներթափանցման մասին հերքում էին ինչպես Սյունիքի մարզպետն ու մարզից ընտրված պատգամավորները, եւ ոչ միան մարզից ընտրվածները, այլեւ Գեղարքունիքի մարզպետն ու Վարդենիսի քաղաքապետը: Ամենասանձարձակներն անգամ մոդիատեռոր որակեցին սահմանից լուրերի տարածքումը: Բայց երկու օր անց պարզվում է, որ դրանք բոլորը ճիշտ էին, իրականում ստում էին իշխանավորները, ովքեր թաքցնում էին ստեղծված պայթունավտանգ իրավիճակը: Հիշեցնենք, որ դեռեւս մայիսի 12-ին հայտնի դարձավ, որ ադրբեջանցիները Սեւ լճի տարածքով մոտ 3.5 կիլոմետր խորացել են Հայկական սահմանում, զավթել ՀՀ միջազգայնորեն ճանաչված պետությյան տարածքները: Նման հավակնություններ ունեն նաեւ Վարդենիսի եւ այլ սահմանային հատվածների նկատմամբ, բայց մյուս հատվածներում դեռեւս հստակ ինֆորմացիա չկա, թե որքան են ներխուժել մեր տարածք:
Սպասվում էր, որ Հայաստանն ի դեմս Պաշտպանության նախարարության եւ ԱԱԾ-ի թույլ չէին տա, որ որեւէ մեկը հատի մեր սահմանը, հատկապես, որ Նիկոլ Փաշինյանը հավաստիացնում է, թե պոստերում ամեն ինչ արվում է մեր անվտանգության պաշտպանության համար, բայց ինչպես ինքը խոստովանեց, 3.5 կմ թուրքերը եկել են առանց դիմադրության, առանց կրակոցի, վիրավորների եւ զոհերի: Հիմա 250 սահմանախախտի հարցը չեն կարողանո՞ւմ լուծել, որ դիմում են ՀԱՊԿ-ին: ԱԱԾ-ն պարտավոր է ժամ առաջ միջոցներ ձեռնարկել սահմանազանցներին պատժելու, նրանց գերեվարելու ուղղությամբ, բայց Հայաստան պետությունն այնքան վերջացած է, որ 250 հոգու հարցը չի կարողանում լուծել եւ ապավինում է ՀԱՊկ-ի օգնությանը: Այստեղ, անշուշտ, մութ ենթաշերտեր կան, թե ինչու է Փաշինյանը նման անգործություն դրսեւորում եւ ինչ խնդիր է լուծում ՀԱՊԿ-ին դիմելով: Իսկ այդ մասին կանդրադառնանք հաջորդ նյութերում:

Անի Սահակյան