Ինչ կծնվի հնի և նորի միավորումից

«Հրապարակ» օրաթերթը գրում է.Երեկ երկու՝ առաջին հայացքից միմյանց հակոտնյա ուժ համաձայնության եկան դաշինքով ընտրությունների գնալու հարցում՝ Հայաստանի հանրապետական եւ «Հայրենիք» կուսակցությունները։ Երկու հին եւ նոր կուսակցության միավորումից դեռ պարզ չէ, թե ինչ է ծնվելու, սակայն, ամեն դեպքում, միավորումներն ու կոալիցիաները պետք է ողջունել, քանի որ մասնատված քաղաքական դաշտը ոչ մի լավ բան չի նշանակում։ Դրանից, որպես կանոն, շահում է իշխանությունը, տուժում է երկիրը։ Որքան շատ միավորումներ լինեն, այնքան հեշտ կլինի ընտրողի համար կողմնորոշվելը, եւ այնքան քիչ ձայներ կփոշիանան։ Իսկ այս ընտրությունները խոստանում են լինել աննախադեպ՝ մասնակիցների թվով։