Թագուհի Թովմասյանը կլինի՞ ՀՀԿ-ի և Հայրենիք կուսակցության ցուցակի առաջին կինը
Արդեն տեղեկացրել ենք, որ մի քանի շաբաթ է Հանրապետական կուսակցությունում թեժ քննարկումներ են հունիսի 20-ի ընտրություններին մասնակցելու հարցի շուրջ:
Հայտնել ենք, որ Սերժ Սարգսյան և ԱԱԾ նախկին տնօրեն, հայրենիք կուսակցության ղեկավար Արթուր Վանեցյանի միջև հանդիպում- քննարկումներ են տեղի ունեցել, սակայն նրանք դեռեւս համաձայնության չեն եկել:
Նշենք, որ տարաձայնությունները մի քանի անունների շուրջ են, սակայն, ըստ լուրերի, առաջիկա օրերին արդեն համաձայնության կգան:
Մամուլում նաև տեղեկություններ եղան այն մասին, որ Սերժ Սարգսյանի ղեկավարած ՀՀԿ-ի նախընտրական շտաբը կղեկավարի Իշխան Զաքարյանը: Հենց նա էլ պնդել է, որ իրենց ցուցակում ներկյացաված կլինի «Իմ քայլը» խմբակցությունը լքած և այժմ պատգամավոր Թագուհի Թովմասյանը, ով ցուցակում կլինի առաջին կինը:
Հիշեցնենք, որ Թագուհի Թովմասյանը Իմ քայլը խմբակցությունը լքեց նոյեմբերի 9-ի կապիտուլյացիոն համաձայնագրից հետո:
Նա գրել էր. «Կներկայացնեմ ԱԺ «Իմ քայլը» խմբակցությունից դուրս գալու դիմում։ Մեր քաղաքական թիմը սխալը սխալի հետևից է անում։ Փոխանակ մեր սխալները գիտակցենք և շտկենք, իրավիճակը մեղմենք երկխոսությունով, փորձենք այդպես կայունացնել լարվածությունը մեր երկրում, հակառակը՝ պետության հիմքերը խարխլող քայլեր ենք անում։ Մնացածի մասին կխոսեմ ԱԺ ամբիոնից»:
Հետևեք մեզ Viber-ում
