Սկսվել է ռեպրեսիաների երկրորդ սերիան

Իշխանությունը, ի մասնավորի Նիկոլ Փաշինյանը, չի կարողանում կուլ տալ Սյունիքի դեպքերը: Հիշեցնենք, որ սյունյաց արշավանքի ընթացքում լեռնահայաստանցիները Փաշինյանին առանձնահատուկ ընդունելության արժանացրեցին՝ նրա ողջունին պատասխանելով <<ողջույն բ..-ի տղա>> հայտնի արտահայտությամբ, կանխեցին, թույլ չտվեցին Փաշինյանի մուտքը որոշ բնակավայրեր ու հենց Սյունիքում վարչապետը հրատապ խորհրդակցություն հրավիրեց, ուժային կառույցների ղեկավարներին` բացահայտ կարգադրելով հատուկ օպերացիայով պատժել <խուլիգաններին>: Ըստ Փաշինյանի, սյունեցիները, ովքեր պայքարում են իրենց հայրենիքի համար, որոնցից շատերին ինքը զրկել է սեփական տնից ու ապրուստից՝ նոյեմբերի 9-ի խայտառակ փաստաթղթով ադրբեջանական կողմին զիջել մարզից տարածքներ, խուլիգաններ են:

Ինչեւէ, թե ինչ պատահեց հետո, տեսանք բոլորս, տասնյակ սյունեցիրներ բերման ենթարկվեցին բաժիններ, ընդ որում խայտառակ կերպով, ոմանց գետնին քարշ տալով, ձերբակալվեց նաեւ Մեղրիի համայնքապետը, Գորիսի փոխքաղաքապետը եւ այլք: Սակայն դատարանն իրավաչափ չճանաչեց ոչ կալանքի փաստը, ոչ մեղադրանքը, թե իբր նրանք էին ցույցը կազմակերպել: Հիմա իշխանությունը ռեպրեսիաների երկրորդ սերիային է անցել եւ ՊԵԿ-ի միջոցով է տեռոր իրականացնում սյունյաց դեպքերի մասնակիցների, նրանց հարազատներ, մերձավորների նկատմամբ, զուգահեռ նաեւ ձերբակալում են դրանց առնչվող երեւանյան ցույցի մասնակիցներին, ինչպես օրինակ ՀՅԴ-ական գործիչ Արծվիկ Մինասյանի քրոջ որդուն, ով մասնակից է եղել դատախազության դիմացի՝ ի պաշտպանություն սյունեցիների հայտնի ֆլեշմոբին:
Իսկ ՊԵԿ-ի հրահանգով դադարեցվել է Մեղրիի մաքսակետին կից մաքսային տերմինալի գործունեությունը: Նշենք, որ տերմինալները մաքսային հսկողության գոտիներ են, կոնկրետ այստեղ կատարվում է Մեղրիի և Քաջարանի վերաբերյալ բեռների մաքսազերծումը։ Այն մասնավոր գործունեության տեսակ է՝ պետության կողմից լիցենզավորված, Մաքսային կոմիտեն է թույլատրում գործել, թե ոչ։ Այն Մեղրիի համայնքի ղեկավար Մխիթար Զաքարյանի ընտանիքի սեփականությունն է, մասնավորապես՝ կնոջ , որը 2004 թվականից ձեռք է բերվել։ Հիմա Սյունիքում հայտնի դեպքերից հետո սկսվել է անհասկանալի ստուգումներ, ստուգում են հակահրդեհային համակարգը, ռենտգենի ապարատը, որի հետ կապված ինչպես Զաքարյանն է հայտնել լրատվամիջոցներին որոշակի անսարքություներ են եղել: Իր հերթին ՊԵԿ նախագահ Էվարդ Հովհաննիսյանը լրագրողների հետ զրույցում ասել է, թե

Մեղրիում գործող մաքսային պահեստում հայտնաբերվել են այնպիսի խախտումներ, որոնք անհամատեղելի են գործունեության հետ.«Իմ հրամանով մաքսային պահեստի լիցենզիան դադարեցվել է։ Կշտկեն՝ կվերանայենք», - ասել է ՊԵԿ նախագահը։ Պատահական չէ, որ ՊԵԿ-ը սյունյաց դեպքերից հետո է որոշել զբաղվել այդ անցակետով եւ փաստն ինքնին խոսուն է, իշխանությունը թերեւս որոշել է մարդկանց զրկել ապրուստի միջոցից միայն նրա համար, որ պայքարում են հայրենիքի եւ իրենց անվտանգության համար:
Ապրիլի 26-ին PARA TV-ի տնօրեն, Սյունիքի նախկին մարզպետ Վահե Հակոբյանի կինը եւս հրավիրվել է ՊԵԿ քննչական վարչություն ու մի քանի ժամ շարունակ գտնվել այնտեղ։
«Այո՛, գտնվել է ՊԵԿ քննչական վարչությունում, քրեական գործի շրջանակներում հարցաքննվել է»,– հաստատել է ՊԵԿ նախագահ Հովհաննիսյանը։ Իսկ թե ինչ քրեական գրծի շրջանակներում, հրաժարվել է պատասխանել.«Քաղաքական ճնշում չի կարելի որակել, քանի որ ձեր նշած անձնավորությունը ոչ միայն նախկին մարզպետի կինն է, այլև ինքնուրույն սուբյեկտ է և առանձին կազմակերպաիրավական միավորի ղեկավար է»։Պեկ նախագահը նաև հայտարարեց, որ Էլիզաբեթ Պետրոսյանն առաջին անգամ չէ, որ հրավիրվում է Քննչական վարչություն, և որ նախկինում էլ հրավիրվել է։

Անի Սահակյան