Սերժ Սարգսյանը գնացել է Արթուր Վանեցյանի տուն

Քաղաքական կոնսուլտացիաները շարունակվում են տարբեր քաղաքական դերակատարների միջեւ: Մեզ հայտնի է դարձել, որ ակտիվ հանդիպումներ են ունենում ԱԱԾ նախկին տնօրեն, Հայրենիք կուսակցության ղեկավար Արթուր Վանեցյանն ու ՀՀԿ ղեկավար Սերժ Սարգսյանը: Քննարկման թեման ընտրություններին համատեղ մասնակցությունն է: Մեր տեղեկություններով՝ նախօրեին Սերժ Սարգսյանն այցելել է Վանեցյանի տուն, սակայն դեռեւս համաձայնության չեն եկել: Արթուր Վանեցյանը իր շրջապատում դժգոհել է, որ այդպես էլ չի հասկանում ՝ինչ է ուզում Սերժ Սարգսյանը: Ինքն անձամբ դեմ է, որ ՀՀԿ-ի վարկաբեկված գործիչները՝ Արմեն Աշոտյանը, Էդուարդ Շարմազանովը, Վահրամ Բաղդասարյանը եւ այլք հայտնվեն իր զուցակում, նա պատկերացնում է հնարավորինս անհայտ անուններ, ինչը մեծ դժգոհություն է առաջացրել: Սերժ Սարգսյանը հասկանում է, որ նման համաձայնությունը կկազմաքանդի կուսակցությունը եւ շատերը կմիանան Ռոբերտ Քոչարյանին: ՀՀԿ-ում կարծում են, որ եթե պետք է դաշինքով մասնակցեն, ապա որեւէ կողմ չպետք է նախապայման դնի եւ ցուցակն էլ գլխավորի ՀՀԿ-ական ու այն կազմվի մեկ ՀՀԿ-ական, մեկ այլ կուսակցական սկզբունքով: