Ի՞նչ նպատակ էր հետապնդում Փաշինյանի այցը Սյունիք

Բոլորը հասկանում էին, որ Փաշինյանի այցը Սյունիք չի անցնի առանց ցնցումների, քանի որ նույնիսկ պատերազմից հետո առաջին անհաջող այցը այս մարզ ցույց տվեց, որ Սյունիքում Փաշինյանի նկատմամբ շատ մեծ դժգոհություն կա: Թվում էր, որ, հաշվի առնելով այս հանգամանքը, Փաշինյանը պետք է ավելի նրբանկատ որոշումներ կայացներ Սյունիք իր այցի վերաբերյալ: Շատերը վստահ են, որ այս այցի վերաբերյալ նրան ոչ ճիշտ զեկուցագրեր են ներկայացվել, որի արդյունքում Փաշինյանը հայտնվել է նման իրավիճակում, մինչդեռ իրականությունը բոլորովին այլ է:

Փաշինյանի այցը հատուկ նպատակ ուներ. ընտրություններից առաջ նա ուզում էր հասկանալ, թե կոնկրետ որտեղ են Սյունիքում իր դեմ դիմադրության ուժեղ կենտրոնները, և կոնկրետ ով է պատրաստ կազմակերպել իր դեմ այդ հակազդման գործընթացները:

Այս այցով Փաշինյանը սադրեց սյունեցիներին՝ հասկանալու համար, թե ինչպիսի ռեպրեսիվ մեքենա պետք է «միացնի», որպեսզի ընտրություններից առաջ կարողանա ենթարկեցնել Հայաստանի այս մարզը:

Բացի այդ, Սյունիքի նկատմամբ ճնշման օրինակով Փաշինյանը ցանկանում է ապացուցել Հայաստանի այլ մարզերի բնակիչներին, որ ընտրություններից առաջ «միևնույն է իր դեմ խաղ չկա», դրանով փորձելով համոզել տեղական էլիտաներին, որ նրա իշխանության վերարտադրությունն անխուսափելի է:

Փաստացի, Սյունիքում կորոշվի Փաշինյանի ճակատագիրը: Եթե ​​վերջինս կարողանա ենթարկեցնել այս մարզը՝ սյունեցիների վրա ճնշում գործադրելով, ապա նա կկարողանա իր նպատակին հասնել նաեւ Հայաստանի այլ մարզերում, և հակառակը: Եթե Հայաստանի քաղաքական վերնախավը գիտակցի, որ սյունեցիներին աջակցելով կկարողանան դիմակայել Փաշինյանի հեռահար ծրագրերին, ապա կփոխվի նաև տեղական էլիտաների և մարզերի բնակիչների տրամադրությունը:

Սա՛ է իրականությունը

zham.am