Փաշինյանն ուզում է հագուրդ տալ Ալիեւի արյան ծարավին

Մինչ Հայաստանի արյան վաճառականները ոգեւորվել են Թուրքիայի հետ բաց սահմանների հեռանկարով եւ իշխանական լոբբինգն աշխատում է այդ ուղղությամբ, որ Հայաստանը պետք է տնտեսապես ապաշրջափակել, Նիկոլ Փաշինյանի կիրթ բարեկամ Ադրբեջանի նախագահ Իլհամ Ալիեւի բռնապետությունում սպանել են մեր գերեվարված տղաներից 18-ամյա Էրիկ Մխիթարյանին: Նա Լոռու մարզի Կաթնաջուր գյուղից էր։ 2 ամսվա ծառայող էր, երբ սկսվեց պատերազմը։ Ջրականում էր ծառայում։
Ընտանիքի հետ վերջին անգամ կապ էր հաստատել հոկտեմբերի 8-ին Հադրութից: Նոյեմբերի 24-ին հարազատները ադրբեջանական վիդեոներում տեսնում են իրենց որդուն՝ գերեվարված։
Այս ողջ ընթացքում ընտանիքը սպասում էր տղայի վերադարձին, բայց ապրիլի 8-ին ԴՆԹ երեք հետազոտություններն էլ դրական պատասխան են տալիս. հաստատվում է Էրիկի մահվան լուրը: Նրա դին գտել էին որոնողական աշխատանքների ժամանակ:
Սա է մեր թշնամին ու նրա իրական դեմք, ում հետ մեզ համառորեն ուզում են բարեկամացնել իմքայլական թուրքերը։ Այսպիսին է թշնամին, ով սպանում է գերի ընկած անզեն հայ զինվորին, ով անգամ չէր հասցրել նորմալ հասկանալ, թե ինչ է զինվորական ծառայությունը։ Սպանում, հետո դին տանում, թողնում է որոնողական աշխատանքների վայրում։

Իսկ Նիկոլ Փաշինյանն ու իր թրքահպատակները, հատկապես արյան վաճառական գործարարներն այժմ զբաղված են Ադրբեջանի հետ բարեկամության և համագործակցության մասին համաձայնագրի մշակմամբ: Նրանով, ինչ ընդհանուր լեզվում կոչվում է խաղաղության պայմանագիր, ասել է թե՝ կապիտուլյացիայի ամրապնդում՝ միջազգային իրավունքի մեխանիզմներով, որի արդյունքում սահմանները կբացվի եւ մի քանիսը մի քանի կլիլոգրամ էժան լոլիկ կկարողանան գնել՝ դա փոխելով մեր գերիների ու անհետ կորածների կյանքի գնով: Քանի կա գերիների եւ անհետ կորածների հարց, խոսել ապաշրջափակումից, կնշանակի խաչ քաշել մեր տղաների կյանքի վրա:
Իսկ իրականում Նիկոլ Փաշինյանն ուզում է իր բերած աղետային հետևանքը հայության վրա «վաճառել» նրանով, թե՝ բա չեք իմացել, ժողովո՜ւրդ, սրանից հետո Հայաստանի համար Նախիջևանով ու Ադրբեջանի տարածքով դեպի Իրան, դեպի Ռուսաստան, երկաթուղային ճանապարհները բացվելու են, ապաշրջափակվելու ենք ու լավ ապրենք: Եթե հիմա այս մարդը մեր ռազմագերիների կյանքը չի կարողանում ապահովել եւ Ադրբեջանն ինչ ուզում անում է, պատկերացնել կարելի է՝ եթե սահմանները բացվեն ինչպես են անպատիժ մոռթելու եւ խոշտանգելու հայ ուղեւորներին ու վարորդներին:

Անի Սահակյան