Դավաճանի թքածը լիզելու ժամանակը

Արցախի անվտանգության նախկին քարտուղար Սամվել Բաբայանը աջակցում է բանակը հիմնահատակ քանդելու, գեներալիտետին հեղինակազրկելու, պատերազմի պարտության ողջ պատասխանատվությունը եւ Հայաստանն ու Արցախն աղետի առջեւ կանգնեցնելու Նիկոլ Փաշինյանի ազգակործան քաղաքականությունը: Կապիտուլացիոն փաստաթղթի ստորագրումից մեկ օր անց կատարվածում Նիկոլ Փաշինյանին եւ Արայիկ Հարությունյանին մեղադրող, այդ մասին հայտարարությոն տարածած պարոնը ամիսների լռությունից հետո ասպարեզ իջնելով ջանում էր մաքրել Փաշինյանին, բնականաբար, տվյալ պարագայում դա անհնար է եւ անգամ Բաբայանի պես ճարպիկ ռազմական գործչին դա չհաջողվեց, եթե չասենք, ամեն ինչ խճճեց իրար ու ավելացրեց Փաշինյանի մեղքերի չափաբաժինը: Հիշեցնենք, որ անցած տարի նոյեմբերի 10-ին Բաբայանը հանդես եկավ հայտարարությամբ, որով հրաժարվում էր Արցախի հերոսի իր կոչումից հետեւյալ պատճառով <<Այսօր, երբ Հայաստանի Հանրապետության և Արցախի Հանրապետության ղեկավարները միանձնյա դավադիր որոշմամբ և գրչի մեկ հարվածով կասկածի տակ են դրել հայկականության գոյությունը, մեր փոխարեն որոշել մեր լինել-չլինելը և ապա մերկապարանոց ստեր են ճառում արձանագրված իրողությունների մասին, հարց է ծագում’ ո՞վ է ձեզ լիազորել ժողովրդավարական երկրում առանց ժողովրդի համաձայնության, առանց նրա կողմից ընտրված մարմինների հետ խորհրդակցելու հանձնել մեզ>>։ Հիմա արիուտես Բաբայանը, ով Աննա Հակոբյանի հետ պատերազմի առաջին իսկ օրվանից հրամանատարական բունկերում արտոնյալի եւ թերեւս բացառիկի կարգավիճակ է ունեցել եւ ըստ տեղեկությունների կատարել է Էռատոյի եւ ամուսնու հրամանատարերը, այսօր փորձում է մաքրել Նիկոլ Փաշինյանին՝ ասելով, թե նա որեւէ հրաման չի տվել, տվել են Գլխավոր շտաբն ու ՊԲ հրամանատարը եւ այդ բունկերում էլ Ջալալ Հարությունյանն ու Արայիկ Հարությունյանն են որոշել, թե ովքեր պետք է լինեն, ինքն այնտեղ է եղել ի պաշտոնե:
Փաշինյանին փորձում է մաքրել Իսկանդերի սկանդալային պատմությունից՝ ասելով, թե իբր զինվորականներն են զեկուցել, թե տաս տոկոսով է Իսկանդերը պայթել.<< Գեներալի պագոն են կրում, բայց քաղաքական ղեկավարությանը զեկուցում են, թե հրթիռը 10 տոկոս է պայթել>> ասում է նա՝ հընթացս էլ Ռուսաստանի դաշնությանը հարվածում, որը հերքում էր Իսկանդերի կիրառության փաստը:
Կամ ասում է, թե Ջալալ Հարությունյանին է պետք հարցաքննել, թող նա պատասխանի այդ ինչու նախկին ռազմական գործիչներին թույլ չի տվել մոտենան հրամանատարական կետին, կամ ինչու նորմալ օպերացիաներ չի կազմակերպել:

Հաջորդ վայրկյանին ակամայից իր հայտարարությամբ Փաշինյանի եւ Արայիկ Հարությունյանի դեմ հաղորդում տալիս՝ խոսլեով պատերազմի պարտության պատճառների մասին: Վկայակոչում է երկուսը, առաջինը, որ պահեստազորը պատրաստ չի եղել պատերազմին, երկրորդ՝ օդը փակ չի եղել ի հեճուկս հավաստիացումների, թե 2016-ի ապրիլյան պատերազմի ժամանակ օդը փակ չէր, հիմա փակ է:

Սամվել Բաբայանն ասում է, որ օպերացիա է նախաձեռնել Շուշիի Չանախչի-Սղնախ գյուղում, սակայն այդ երեկո տվյալ զորամասերը ինչ-ինչ պատճառներով հրաժարվել են մասնակցել օպերացիային: Այս հայտարարությամբ էլ թե Փաշինյանի, թե իր դեմ է հանցագործության մասին հաղորդում ներկայացնում: Եթե նման բան է եղել ու դա փաստարկված է, իսկ ինքը պատասխանատու անձանցից մեկն է եղել այդ ժամանակ, արդյոք պատկա մարմիններին տեղեկացրել է այդ մասին, եթե ոչ՝ինչու, եթե այո, ապա ովքեր են մինչ օրս պատժվել:

Հրաման չկատարելը, այն էլ պատերազմի ժամանակ ծանրագույն հանցագործություն է և, եթե անցել է շուրջ 5 ամիս ու Սամվել Բաբայանը նոր է դրա մասին հրապարակային հաղորդում ներկայացնում ինքը պետք է պատասխանատվության ենթարկվի: Կամ Սամվել Բաբայանի դիտարկումը թե «44 օրում մի հատ օպերացիա չեք մշակել, որ հակադրեիք հակառակորդին, թելադրեք ձեր կամքը», հետաքրքիր է՝ ում էր ուղղված, կազմակերիչներից մեկն էլ ինքն էր, եթե խոսքն իր մասին չէ, ապա ում մասին է: Միգուցե այս հարցում էլ նա սլաքներն ուղղում է դեպի Ջալալ Հարությունյանը եւ Նիկոլ Փաշինյանի հետ փորձում են հնազանդեցնել Հարությունյանին կամ հերթական քավության նոխազն ընտրեն: Բոլոր դեպքերում Բաբայանի՝ Փաշինյանին պաշտպանելու օպերացիան հաջողված չէր եւ դա նման էր դավաճանի թքածը լիզելու նուրբ արվեստին

Անի Սահակյան