Հայտնի է Ռոբերտ Քոչարյանի շտաբի ղեկավարի անունը

Վերջին օրերին գրվեց այն մասին, որ  առաջիկա արտահերթ ընտրություններում Ռոբերտ Քոչարյանի նախընտրական շտաբը կղեկավարի  նախկին վարչապետ Հովիկ Աբրահամյանը:

Hayeli.am-ի ունեցած տեղեկություններով՝ Հովիկ Աբրահամյանին իսկապես նման առաջարկ արվել է, վերջինս չի մերժել և  համաձայնել է ստանձնել այդ պարտականությունը: Սակայն հետագայում տեղի ունեցած քննարկումների արդյունքում որոշում է կայացվել, որ երկրորդ նախագահի նախընտրական շտաբը կղեկավարի Արմեն Գևորգյանը, ով համարվում է Ռոբերտ Քոչարյանի  թիմակիցը: Երկար քննարկումների արդյունքում նպատակահարմար են համարել, որ հենց Արմեն Գևորգյանը կղեկավարի շտաբը: Սակայն Հովիկ Աբրահամյանի վրա էլ պակաս կարևոր պարտականություններ չեն դրվել:

Նշենք, որ մեր ունեցած տեղեկություններով՝ ավելի վաղ քննարկվել են նաև Ռոբերտ Քոչարյանի կրտսեր որդու՝ Լևոնի և ՀՅԴ-ական Իշխան Սաղաթելյանի անունները ևս, սակայն , ի վերջո, ընտրությունը կանգ է առել Արմեն Գևորգյանի վրա:

Հիշեցնենք` մարտի 18-ին ՀՀ վարչապետ Նիկոլ Փաշինյանը հայտարարեց, որ հունիսի 20-ին Հայաստանի Հանրապետությունում կանցկացվեն խորհրդարանական արտահերթ ընտրություններ։