Վհուկների որս է սկսվել, նարկոթրաֆիկի հովանավորը

Քննչական կոմիտեի՝ Սեւանի քննչական բաժնի քննիչ Անդրանիկ Անտոնյանն օրեր առաջ աշխատանքից ազատվել է հակաիշխանական գրառումներով իր ֆեյսբուքյան էջում կիսվելու ու մանավանդ Ռռոբերտ Քոչարյանի վերաբերյալ դրական հրապարակումները հավանելու համար։

Լրատվամիջոցների տեղեկություններով՝ աշխատանքից ազատված քննիչը պատերազմի առաջին իսկ օրերից՝ սեպտեմբերի 29-ից կամավորագրվել եւ մասնակցել է պատերազմական գործողություններին։ 40 օր շարունակ քննիչը եղել է ամենաթեժ կետերում, մասնակցել Շուշիի մարտերին եւ այնտեղից վերադարձել է նոյեմբերի 7-ին։ Սակայն հայրենազուրկ եւ դավաճան, իշխանության համար հայրենիք, հայրենասիրություն հասկացողությունները զզվելի են այնքան, որքան իրենց սիրելի թուրքերին՝ խոզի միսը: Փաշինյանի ստեղծված «ժողովրդավարական» երկրում, փաստորեն, մարդուն աշխատանքից հեռացրել են՝ Նիկոլ Փաշինյանին քննադատող գրառմամբ ֆեյսբուքյան էջում կիսվելու համար։ Ու մանավանդ, երբ խոսքը ոչ թե քաղաքական համակրանքների եւ հակակրանքների մասին է, այլ հայրենիքի, զոհերի, մի բան, որի կորստի ցավը այսօր պատել է միջին վիճակագրական ցանկացած հայի, միայն ոչ Նիկոլ Փաշինյանին ու իր թրքասեր խունտային:
Ըստ տեղեկությունների՝ ննման իրավիճակ է ոչ միայն ՀՀ ՔԿ-ում, այլ պետական գրեթե բոլոր գերատեսչություններում: Պետական ապարատում բառի բուն իմաստով վհուկների որս է սկսվել, Նիկոլ Փաշինյանը հանձնարարել է անձնական օգտագործման ԱԱԾ-ին աչք չթաչթել, գտնել ու իր սեղանին դնել իր ծոցում տաքացվող <<օձերին>>:

Քննադատող որեւէ մեկնաբանության հավանություն տալը «լայքի» տեսքով, կարող է ճակատագրական դառնալ:
Իհարկե, կարելի է հասկանալ, թե ինչ ծայրահեղության մեջ է հայտնվել Նիկոլ Փաշինյանի իշխանությունն իր այս գործելաոճով, բայց թե ինչ խնդիր է լուծում մարդկանց աշխատանքից ազատելով, դժվար է ասել, քանի որ հասկանալի է, թե ինչ են մտածում Նիկոլ Փաշինյանի մասին անգամ պետական ապարատում ու մի քանիսին ազատելով, միգուցե ճնշեն հրապարակային դրսեւորումները, բայց ոչ մարդկանց իրական վերաբերմունքը:
Նախօրեին հայտնի դարձավ նաեւ, որ Նախօրեին տեղեկատվություն տարածվեց, որ Սիսիանի ոստիկանապետին ազատել են աշխատանքից՝ աշխատավայրում կոկային օգտագործելու համար։ Ըստ լուրերի՝ խուզարկությամբ խոշոր քանակի թմրանյութ է հայտնաբերվել նրա աշխատասեղանի դարակում։
Իշխանական քարոզչամեքենան ամեն ինչ արեց, որպեսզի այդ տեղեկատվությունը ջրի երես դուրս չգա։ Անգամ հերքում տարածեցին, բայց Հայաստանը փոքր երկիր է եւ ցանկացած սյունեցի այս պատմության բոլոր մանրամասներին է տիրապետում: Հիշեցնենք, 2018թ․ հոկտեմբերի 16-ին, երբ Նիկոլ Փաշինյանը նախկին փոխոստիկանապետ Հունան Պողոսյանին նշանակեց Սյունիքի մարզպետ, Փաշինյանը ուղիղ եթեր մտավ ու հայտարարեց, որ Սյունիքը նարկոթրաֆիկի կենտրոն է և պետք է այդ նշանակմամբ կոտրի նարկոտրաֆիկի ողնաշարը։ Հիմա, երբ իր իշխանության ժամանակ նշանակված բարձր պաշտոնյաներն են այդ գործով զբաղվում, կարո՞ղ ենք արձանագրել, որ Նիկոլ Փաշինյանի օրոք Սյունիքը դարձել է նարկոթրաֆիկի տարանցիկ աննախադեպ ու բացառիկ կենտրոն Ու փոխարենը նման ուժայիններից ազատվի ու քրեական պատասխանատվության ենթարկի, ընկել է հայրենասեր տղանների ետեւից։

Անի Սահակյան