Արարատի մարզպետը նախկինների հետ «տասովկաների» մեջ է

Այն պահից, երբ Նիկոլ Փաշինյանը հայտարարեց, որ հունիսի 20-ին Հայաստանում տեղի կունենան արտահերթ խորհրդարանական ընտրություններ, Արարատի մարզպետ Ռազմիկ Թեւոնյանը՝ նույն ինքը՝ Ռազը, ացել է գործի: Մարզում շուրջօրյա ռեժիմով նախընտրական անցուդարձ է, մարզպետը տարածքային կառավարման նախարար Սուրեն Պապիկյանի հրահանգով կապ է հաստատում նախկինների հետ՝ կլինի նա ՀՀԿ-ական, ԲՀԿ_կան, թե ՕԵԿ-ական եւ այլ կուսակցական, հանդիպում է նախաձեռնում եւ առաջարկում աշխատել իշխանության համար, որ հետո էլ իրենց համար <<լավ լինի>>: Ընտրությունների մասին Նիկոլ Փաշինյանի հայտարարության օրը նա հավաքել է մարզի մի խումբ համայնքապետերի, նրանց եւս հրահանգել, որ հենց այս պահից սկսում են աշխատանքները, որ սա իրենց կենաց-մահու խնդիրն է, եւ եթե պատվով դուրս գան այս կռվից, հաստատ ամեն ինչ լավ է լինելու: Ռազմիկ Թեւոնյանը միգուցե հասկանում է, որ ինքը մարզում չունի այն վարկանիշը, ինչը որ ունենա այդ մարզի հեղինակություն վայելող մարդիկ, օրինակ Ավշարի գինու գործարանի սեփականատեր Գրիգորյա եղբայրները, կամ Հովիկ Աբրահամյանն իր շրջապատով եւ հենց այդ պատճառով որոշել է ավելի վաղ սկսել աշխատանքները եւ աշխատել շուրջօրյաե գրաֆիկով:

Հիշեցնենք, որ Թեւոնյանը քաղաքականության մեջ նոր մարդ չէ: Նա 2008 թվականին առաջին նախագահ Լեւոն Տեր-Պետրոսյանի ճամբարում էր, 2012 թվականին մարզում մեծամասնական ընտրակարգով թեկնածություն առաջադրեց , բայց պարտվեց ու չանցավ խորհրդարան, 2017 թվականին էլ Ելք դաշինքի ցուցակում էր, կրկին խայտառակ պարտություն կրեց: Շուրջ մեկ տասնամյակ քաղաքական պայքարում գտնվող այս անձնավորության բախտն այդպես էլ չբերեց եւ նրա աստեղային ժամը եկավ հեղափոխությունից հետո՝ Քաջ Նազարի բախտով: Ու հիմա Ռազմիկ Թեւանյանը խայտառակությունից փրկվելու գերմարդկային ջանքեր է գործադրում, որպեսզի որոշակի հաջողություններ կարողանա ապահովել իշխանության համար՝ տնօրինելով վարչական լծակների ու ռեսուրսների: Նա անգամ սեփական միջոցները չի քնայում եւ օղու տեսքով ընտրակաշառքի խոստումներ է տալիս:
Զզարմանալի չթվա, բայց այս մարդն անհաջողակ է անգամ բիզնես ոլորտում: Երասխի գինու գործարանը, որը պատկանում է Ռազմիկ Թեւոնյանին, այդպես էլ մեծ շուկա չմտավ եւ մնաց որպես լեւի բիզնես: Ռազմիկ Թեւոնյանը իր գործարանի օղին առանց ակցիզի վաճառում է մարզի համայնքի բնակչության վրա, իսկ ովքեր իրացնում են լեւի օղին, նրանք զբաղվում են նաեւ նախընտրական քարոզչությամբ:
Այսինքն Նիկոլ Փաշինյանը ճղճղում է, թե Հհայաստանում ապօրինի գործունեություն հնարավոր չէ ծավալել, բայց իր նշանակած պաշտոնյան այդ հարցում վառ օրինակ է, եւ ավելին, ունենալով բիզնես, պաշտոն է զբաղեցնում:
Հիշեցնենք, որ Թեւանյանի որդին՝ Սեդրակը ԱԺ Իմ Քայլը խմբակցության պատգամավորներից է, որի մասին, անշուշտ, քչերն են լսել: Նա դասական կոճակ սեղմող է, որոնք նախկինում արժանանում էին Փաշինյանի քննադատությանը:

Անի Սահակյան