Արցախի հետ սահմանին սադրանքներ հնարավոր են.Իրանագետ

« Իրանում տեղի ունեցած ահաբեկչությունից հետո  հնարավոր է համարում  Արցախի հետ սահմանին որոշակի սադրանքների  կազմակերպումը: Իհարկե ոչ Սաուդյան  Արաբիայի կողմից, կամ  երրորդ այլ ուժի կողմից: Այլ  հատուկ ծառայությունների, որոնք նպատակ ունենան ապակայունացնել Իրանի հյուսիսային շրջանները, դրանում կարծում եմ շահագրգռված է Ադրբեջանը»,- Հայելի ակումբում լրագրողներին ասաց իրանագետ Արմեն Իսրայելյանը : «Սադրանքները կարող են վնասել մեր սահմաններին:Տնտեսական առումով  հնարավոր է՝  բացասաբար ազդի երկկողմ հարաբերությունների վրա: Դա առաջին հերթին պայմանավորված է Իրանի տնտեսական իրավիճակով, միջուկային համաձայնությունից հետո, այն հույսերը, որոնք կային Իրանի հետ արտաքին  ներդրումների ներգրավելու առումով եւ այլն, դրանք ցավոք սրտի Իրանի պարագայում չարդարացան»,-ասում է իրանագետը: Միջազգային հարաբերություններում  Իրանի հեղինակությունը ընկավ եւ նախկինում եթե իրենց օրակարգում միջուկային համաձայնությունն էր, հիմա փոխվում է՝ օրակարգում ահաբեկչական գործողություններն են,կարծում է նա: Իսկ քաղաքական առումով, իրանագետի կարծիքով, Իրանի իշխանությունները մի փոքր կկոշտացնեն Ադրբեջանի,  Թուրքիայի նկատմամբ իրենց քաղաքականությունը  եւ այն տնտեսական ծրագրերը  եւ որոշ խնդիրներ, որոնք ունեին Ադրբեջանի հետ, կարծում է,  որ Իրանի կողմից այլեւս չեն անտեսվի: Հայաստանի դերակատարությունը Իրանի համար ավելի կմեծանա,համոզված է նա: