Նիկոլ Փաշինյանն ասում է, որ այդ ոստիկանները սրիկա են, բայց բարձրացնում է «սրիկաների» աշխատավարձերը

Կառավարությունը երեկ չզեկուցվող նախագծով որոշեց գրեթե կրկնակի ավելացնել ոստիկանության ՊՊԾ գնդի քաղաքային ու մարզային վարչությունների աշխատակիցների աշխատավարձերը: Ըստ այդմ, ՊՊԾ կրտսեր տեսուչների աշխատավարձը ներկայիս 190.552 դրամից կդառնա 320․000։ Ոստիկանության լեյտենանտի կոչումով, 2-5 տարվա զինծառայության ստաժով պարեկի ամսական աշխատավարձը նախատեսվում է սահմանել ամսական 402․181 դրամ՝ ներկայիս 198.565 դրամի փոխարեն՝ 97,5 %-ով ավելի և այլն։ Աշխատավարձերի բարձրացումը նախատեսված է ապրիլի 1-ից:
Ուշագրավ է, որ թոշակները, նպատեստները կամ ուսուցիչների աշխատավարձները բարձրացնելու փոխարեն Նիկոլ Փաշինյանը կրկնապատակում է այն ոստիկանների աշխավարձը, որոնց ավտոբուսներով հրահանգում է տանել իր տունը, կառավարության շենքը հսկելու, ինչպես նաև ընդդիմադիրներին բերման ենթարկելու համար, որոնք, ըստ էության, մոտ կես տարի է պահում ու պահպանում են իր իշխանությունը: Հետպատերազմական իրավիճակում, ուր Արցախում հումանիտար ճգնաժամ է եւ անգամ զոհված զինծառայողների ընտանիքներին փոխհատուցման գումարները ուշանում են, մինչ Սյունիքի սահմանը պահող մեր զինվորները իրենց ծառայությունն իրականացնում են գրեթե բաց երկնքի տակ, լավագույն դեպքում՝ քամուց քշվող վրաններում, երբ բանակը զենք-զինամթերով վերազինելու անհրաժեշտություն կա, Նիկոլ Փաշինյանն առաջնահերթությամբ բարձրացնում է ոստիկանության աշխատակիցների աշխատավարձերը:

Մինչդեռ նախկինում, երբ Նիկոլ Փաշինյանն իբր անաչառ ընդդիմադիր գործիչ էր, ամենից շատ քննադատում էր ոստիկանների թվի մեծ լինելու, Հայաստանը ոստիկանապետության վերածելու վտանգի ու նման բաների մասին: Ավելին՝ 2008 թվականի մարտյան իրադարձությունների ժամանակ ասում էր, թե հոգին փառավարվում է, երբ իմանում է, որ ցուցարարները ոստիկանների ձեռքից մահակներ ու վահաններ են խլում, քանզի ինչպես ինքն էր ասում՝ ժողովրդի դեմ պայքարողները դրանք ոստիկաններ չեն, այլ սրիկաներ են: Հիմա Փաշինյանը, ըստ էության, 100 տոկոսով բարձրացնում է սրիկաների աշխատավարձերը: Այսօր Նիկոլ Փաշինյանը Հայաստանը վերածել է կործանված, տապալված երկրի, որտեղ միայն ոստիկանապետական ռեժիմի օգնությամբ է մնում իշխանության: Մայրաքաղաքի կենտրոնում մի 100-150 մետր քայլելու համար ոստիկանական գնդեր է փողոց հանում, դիպուկահարներ բարձրացնում տանիքներին:

Ուշագրավ է նաեւ, որ նախկինում, երբ Նիկոլ Փաշինյանը թմբկահարում էր ոստիկանապետության մասին, նրան աշխուժորեն ձայնակցում էին ԱՄՆ, ԵՄ, ԵԽ ներկայացուցիչները, առհասարակ, գրանտակեր իրավապաշտպան կոչվող կազմակերպությունները: Դրանք հիմա համառորեն լռում են:
Հայաստանում ոստիկանական բեսպրեդել է, Նիկոլ Փաշինյանի անմիջական կարգադրությամբ ոստիկանությունն ամենակոպիտ ձևով բռնություններ է գործադրում վարչապետի հրաժարականը պահանջող ցուցարարների նկատմամբ: Գրեթե կես տարի է պատերազմի ավարտից հետո իշխանությունը պահվում է ոստիկանների միջոցով, ուստի չի բացառվում, որ առաջիկայում ոստիկանների աշխատավարձերը կրկին բարձրանան եւ գա մի օր, որ նրանք ավելի շատ աշխատավարձ ստանան, քան անձամբ Փաշինյանը: Չէ՞ որ առանց նրանց Նիկոլ Փաշինյանը Հայաստանում, ըստ էության, իշխանություն չի ունենա թեկուզ մեկ ժամ:

Անի Սահակյան