Տուն- ինտերնատի տատիկ-պապիկները գիտեն, որ Նիկոլ Փաշինյանի կառավարությունը ասում է մի բան, անում՝ ճիշտ հակառակը

Երևանի թիվ 1 տուն-ինտերնատի բնակիչներն ու աշխատակիցները նախօրեին բողոքի ակցիա են կազմակերպել։ Նրանք լսել են, որ Կառավարությունում ներքին շրջանառության է մեջ է դրված տուն-ինտերնատների միավորման նախագիծ, ըստ որի Երևանի թիվ 1 տուն-ինտերնատը և Նորքի տուն-ինտերնատը միավորվում են։ Միաժամանակ աշխատանքի և սոցիալական հարցերի նախարար Մեսրոպ Առաքելյանի հրամանով աշխատանքից ազատվել է տուն-ինտերնատի տնօրենին, փոխարենը նշանակվել է նոր ժամանակավոր պաշտոբնակատար, որը նույնպես բնակիչների սրտով չէ։
Ծերանոցի բնակիչներից մեկը լրատվամիջեցներին պատմել է, որ իերնք լսել են, թե Նորքի ծերանոցի շենքը վաճառվել է և ծեծերին տեղափոխում են Երևանի թիվ 1 տուն-ինտերնատ. «Մենք դեմ ենք դրան, որովհետեւ եթե հիմա մի սենյակում 2 հոգով ենք մնում, պետք է սարքեն 3-4 հոգի: Եթե երկու հոգին չեն կարողանում զուգրանից օգտվեն, 3-4 հոգին ոնց են օգտվելու: Մենք մարդ ենք, իրավունքներ ունենք: Ինչու նախարար Մեսրոպ Առաքելյանը չի եկել նոր տնօրենին ներկայացնի: Մենք տնօրենից պահանջում ենք ճշտել, հաստատել տեղեկությունը, որ Նորքի ծերանոցի շենքը ծախել են, կամ ասի, թե այտեղի ծերերին որտեղ են տանում: գուցե էստեղ չեն բերում»,- նշել են բողոքավորները։
ՀՀ աշխատանքի և սոցիալական հարցերի նախարարությունը հերքել է տուն-ինտերնատների միավորման լուրը։ Այդ կառույցի մամուլի խոսնակ Զարուհի Մանուչարյանն հայտարարել է, որ միավորման լուրն իրականությանը չի համապատասխանում: Նա նաև նշել է, որ Երևանի թիվ 1 տուն-ինտերնատի տնօրենի ժամանակավոր պաշտոնակատարէ նշանակվել է Կոլյա Մակարյանը։ Հետագայում սակայն հայտարարվելու է մրցույթ՝ տնօրեն նշանակելու համար:
Տնօրենի պաշտոնակատար Կոլյա Մակարյանը լրագրողների հետ զրույցում ասել է, որ ինքը տուն-ինտերնատների միավորման լուրին տեղյակ է այնքանով, որքանով կարդացել է մամուլում: Բնակիչների պատմելով՝ տնօրենի պաշտոնակատարն իրենց հետ հանդիպման ժամանակ ասել է, որ ինքը տեղայակ չէ՝ կմիավորվի՞ տուն-ինտերնատը, թե՞ ոչ։
Իրավիճակն էլ ավելի է խճճվել, երբ աշխատանքի և սոցիալական հարցերի փոխնախարար Տաթևիկ Ստեփանյանը պարզաբանում է տվել, թե իրենք գնում են համայնքահեն ծառայությունների ներդրման:
«Այդ ամենը չի նշանակում, որ այդ երկու տուն-ինտերնատը միաձուլելու և փակելու ենք: Հերթերում սպասող նոր տատիկ-պապիկների համար ստեղծելու ենք փոքր տների մոդել, որտեղ կտեղավորենք նրանց:»,- ասել է Ստեփանյանը:
Աշխատանքի և սոցիալական հարցերի նախարարության ենթակայության տակ կա ձեռքբերված 3 տուն, որոնք գտնվում են Արմավիրի մարզի Մրգաստան և Ակնաշեն, Արարատի մարզի Գեղանիստ գյուղերում: Այդ տները շահագործման հանձնված չեն եղել, քանի որ բավարար պայմաններ չունեն։
Վերանորոգման և բարեկարգման աշխատանքներից հետո դրանք կհանձնվեն շահագործման: Մեկ շենքում կտեղավորվի 8-12 տարեց։ Նախարարությունը հավատացնում է, որ նոր տների շահագործումից հետո տուն-ինտերնատի շենքերը չեն դատարկվելու․ Նորքի տուն ինտերնատի շենքն էլ չի վաճառվելու։
Տուն-ինտերնատի միջադեպը լավագույնս արտացոլում է ներկա Կառավարության հանրային վստահության իրական ցուցանիշը։ Ինչպես մնացած բոլոր հարցերում, այնպես էլ այս պարագայում, մարդիկ հասկանում են, որ Նիկոլ Փաշինյանի ղեկավարած կառավարության գործելաոճը մի բան ասելը, իսկ հետագայում բոլորովին այլ բան անելն է։ Ոչ մի երաշխքի չկա, որ կարճ ժամանակ անց երկու տուն-ինտերնատները կմիավորվեն և ծեր բնակիչները կհայտնվեն անելանելի վիճակում։ Կառավարության և սոցապ նախարարության կադրային քաղաքականությունը ևս անհասկանալի է։ Եթե Երևանի թիվ 1 տուն-ինտերնատի բնակիչներն ու աշխատակիցները նախկին տնօրենի աշխատանքից գոհ են, նախարարությունն էլ աշխատանքային պարտականությունների թերացման կամ անօրինական գործունեության փաստեր չի արձանագրել, ո՞րն է տնօրենին փոխելու նպատակը։

Հայկ Դավթյան