Արցախի խորհրդարանի նախկին պատգամավոր Վահան Բադասյանը նոր պաշտոն է ստացել։ Արցախի Հանրապետության նախագահ Արայիկ Հարությունյանի հրամանագրով նա նշանակվել է ԱՀ նախագահի ներկայացուցիչ՝ հատուկ հանձնարարությունների գծով։ Բադասյանը զբաղվելու է անվտանգային ու տեղահանվածների խնդիրներին առնչվող հարցերով։ Հիշեցնենք, որ հունվարի 28-ին Եռաբլուրում Բադասյանն ասել էր, որ Նիկոլ Փաշինյանը պետք է «վերանա և հեռանա»։ Հարցին՝ իսկ եթե չհեռանա՞, պատասխանել էր` ուրեմն կհեռացնենք ֆիզիկապես։ Նույն օրը նա բերման էր ենթարկվել ՀՀ Ազգային անվտանգության ծառայություն ու ձերբակալվել: Իսկ հունվարի 29-ին նրան կալանավորելու որոշում կայացվեց։ Օրեր անց ՀՀ գլխավոր դատախազը որոշում կայացրեց փոխել նրա նկատմամբ խափանման միջոցը․ կալանավորումը փոխարինվեց չհեռանալու մասին ստորագրությամբ։ Վահան Բադասյանն, ով 44-օրյա պատերազմի հետեւանքով կորցրել է տունը, առողջությունը, քանի որ ծանր վիրավորում էր ստացել, մադ, ով կորցրել է հայրենիքը, պաշտոնը ստանձնելիս հայտարարել է, որ ժամանակն է մի կողմ դնել քաղաքական տարաձայնությունները: Փաստորեն մարդիկ ոչ հայրենիքի զգացողութուն ունեն, ոչ պետության, եւ ինչպես ասում են կատվի վազը մինչեւ մարագն է, իսկ մարագում մի պատառ պաշտոն, որը Բադասյանը փոխում է իր կորցրած տան, իր երազանքների ու հայրենիքի հետ: Նա այլեւս մոռացել է հայրենիքը հանձնողներին պատասխանատվության ենթարկելու իր խոստումը, բայց մենք չենք մոռացել իր հայտարարությունները, քննադատությունները, հայտարարում, որ Արայիկ Հարությունյանը Նիկոլ Փաշինյանի հետ վաճառել է Արցախի հողերը: Պատերազմից հետո Բադասյանը տարբեր լրատվամիջոցների հարցազրույցներ էր տալիս եւ անխնա քննադատում թե Փաշինյանին, թե Արայիկ Հարությունյանին: Նա ասում էր՝ մոռացեք Սյունիքը՝ Նիկոլ Փաշինյանը պատրաստվում է Սյունիքը հանձնել։ Եթե առաջիկա ամիսներին հրաժարական չտա ու մնա, ապա Սյունիք չենք ունենալու։ Հիմա ստանձնում է մի պաշտոն, որը ուղիղ առնչություն ունի նաեւ ՀՀ իշխանություններին: Հետաքրքիր է՝ Բադասյանը հանձն է առել Նիկոլ Փաշինյանի հետ հանձնել Սյունիքը, թե Արայիկ Հարությունյանը նրան նշանակել է պաշտոնի, որ Բադասյանը մոտիկից հնարավորություն ունենա ի կատար ածել խոստումը եւ զենքով ոչնչացնել Նիկոլ Փաշինյանին:
Հոկտեմբերի 19-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հոկտեմբերի 19-ին՝ ժամը 14։00-ին, Հայելի ակումբի հյուրն է Գառնիկ Դանիելյանը
Հոկտեմբերի 19-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Հոկտեմբերի 19-ին՝ ժամը 11։00-ին, Հայելի ակումբի հյուրն է Սուրեն Սուրենյացը
Հոկտեմբերի 15-ին՝ ժամը 15։00-ին, Հայելի ակումբի հյուրն է Արմինե Ադիբեկյանը
Հոկտեմբերի 16-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Հոկտեմբերի 16-ին՝ ժամը 13։00-ին, Հայելի ակումբի հյուրն է Աշոտ Անդրեասյանը
Հոկտեմբերի 16-ին՝ ժամը 12։00-ին, Հայելի ակումբի հյուրն է Դերենիկ Մալխասյանը
Հոկտեմբերի 16-ին՝ ժամը 11։00-ին, Հայելի ակումբի հյուրն է Նարե Սոսեն
Հոկտեմբերի 15-ին՝ ժամը 15։30-ին, Հայելի ակումբի հյուրն է Մանուել Մանուկյանը
Հետևեք մեզ Viber-ում
