Amnesty International-ի թուրքական գրասենյակի ղեկավարը ձերբակալվել է
Թուրքական «Էվրենսել» պարբերականը հայտնում է,որ Թուրքիայի Իզմիր քաղաքի հանրապետական դատարանի թույլտվությամբ երեկ ձերբակալվել է Amnesty International միջազգային իրավապաշտպան կազմակերպության Թուրքիայի գրասենյակի հիմնադիր և ղեկավար Թաներ Քըլըչը, ով կասկածվում է կրոնական քարոզիչ Ֆեթուլլահ Գյուլենի և նրա թիմակիցների հետ համագործակցության համար: Գրասենյակի ղեկավարի հետ ձերբակալվել է նաև 22 իրավապաշտպան: Կազմակերպության կենտրոնական գրասենյակը, սակայն, շտապել է հերքել այս մեղադրանքներն ու հայտարարելով ապացույցների անբավարարության մասին՝ կոչ արել ազատ արձակել Քըլըչին և մյուս իրավապաշտպաններին: