Միասնական քննությունների համակարգում բարեփոխում է սպասվում
Կրթության եւ գիտության նախարարությունը մտադրություն ունի փոփոխություններ անել միասնական քննությունների համակարգում եւ հնարավորություն տալ դիմորդներին տարվա ընթացքում երկու անգամ հանձնել այդ քննությունները, լրագրողների հետ զրույցում ԿԳ նախարար Լեւոն Մկրտչյանը նշեց, որ ընդհանուր առմամբ նախատեսում են կատարել 3 բարեփոխում այս ոլորտում: «Մտադիր ենք պահել առաջին հայտի գերակայության սկզբունքը: Շատ են լինում դեպքերը, երբ, օրինակ, տնտեսագիտական ֆակուլտետ ընդունվելու համար դիմած դիմորդը ցածր միավորների պատճառով հայտնվում է մաթեմատիկայի ֆակուլտետում: Մենք մտածում ենք, որ նախ առաջին հայտով դիմածները պետք է ընդունվեն, հետո միայն թափուր տեղի մրցույթ լինի», - նշեց նախարարը՝ հավելելով, որ սա նաև կլուծի որակական խնդիրը, քանի որ համալսարանները հաճախ բողոքում են որակից: Նախարարի խոսքով՝ երկրորդ բարեփոխումը ընդունելության քննությունների համար երկու փուլ սահմանելն է. «Երեխան հնարավորություն կունենա երկու անգամ քննություն տալ, որովհետև կարող է հուզված լինել և չկարողանալ լավ հանձնել քննությունները»: Երրորդ փոփոխությունը վերաբերում է վճարովի և անվճար տեղերին, Լ. Մկրտչյանն ընդգծեց, որ վճարովի և անվճար տեղերի մրցույթները պետք է առանձնացվել: Լեւոն Մկրտչյանը նշեց, որ նախատեսում են այս նորամուծությունները մտցնել մինչեւ հոկտեմբեր, որ հաջորդ տարվանից այս կերպ կազմակերպվեն միասնական քննությունները: Չի բացառվում, որ նախարարությունը մինչեւ այդ ժամկետը չհասցնի:
Հետևեք մեզ Viber-ում
