Սասուն Միքայելյանը Շուշիում զբոսնելու համար թող դիմի տիկին Էրատոյին

«Ես հուսով եմ՝ մինչև մահս պիտի Շուշիի փողոցներով քայլեմ: Պինդ ու հոգով ուժեղ պիտի լինենք և փառք մեր նահատակներին: Ես խոնարհվում եմ մեր որդեկորույս մայրերի առաջ: Միշտ պետք է հիշենք՝ որտեղ ընկան այդ տղաները, արդեն սրբավայր է և մենք պարտավոր ենք վերադառնալ մեր սրբավայրերը»,- այս մասին հայտարարել է ԵԿՄ նախագահ Սասուն Միքայելյանը:

Դավաճան Նիկոլ Փաշինյանի հանցակիցը, փաստորեն, չի հասկացել, որ ոչ միայն Շուշին, այլ Արցախն անվերադարձ հանձնում էր այն ժամանակ, երբ իր շեֆը տուշոնկի գործ էր կարում հաղթած զորավար Մանվել Գրիգորյանի վրա, ով Արցախն ազատագրած գեներալին նվաստացրեց բանտում, ապա սպանեց՝ անդառնալի քայքայելով նրա առողջությունը: Այս մարդը չի հասկացել, որ Արցախն ու Շուշին հանձնել ենք այն ժամանակ, երբ իր հողատու շեֆը արցախյան ազատամարտի գեներալներին էր վարկաբեկում, ով արշավ էր սկսել այս մարդկանց դեմ, որին պաշտոնից էր ազատում, որի նկատմամբ քրեական գործ էր հարուցում, հանձնեցինք, երբ իշխանության լամուկները Արցախի նախագահի գլուխ էին կոտրում, երբ պատերազմ հաղթած նախագահ Քոչարյանին էին դատարանից դատարան տանում, երբ անգամ իր մարտական ընկերոջը՝ Սերժ Սարգսյանին էին քրեական հետապնդման ենթարկում: Իսկ Սասուն Միքայելյանը երբեմն անձայն էր հանցակցում այս դավաճանական ծրագրին, երբեմն էլ ինքն էր առաջին ջութակի դեր ստանձնում ՝ հայտարարելով, որ թավշյա հեղափոխության հաղթանակն ավելի կարեւոր էր, քան արցախյան ազատամարտի հաղթանակը:

Հիմա եկել մեռնել-ապրելուց է խոսում, Շուշիից է խոսում: Շուշին ու Արցախը սիրողը պատերազմի օրերին ինչ սիմուլյանտություն ասես չարեց, որ հեռու մնար Արցախից ու նրա պաշտպանությունից: Կասկածելի հանգամանքներում իբր վիրավորում ստացավ, հետո իբր երկար ժամանակ ապաքինվում էր, իսկ այդ ընթացքում իր շեֆն ու յուր Էրատոն հանձնում էին մեր հայրենիքը:

Հիմա փոխանակ իր նախկին խոստմանը հավատարիմ գնա եւ Արցախը հանձնողին փրթի ու թափի, հնդկական ֆիլմ է ցուցադրում՝ <Չմեռնեմ, տեսնեմ Շուշին>> մոտիվներով: Սասուն Միքայելյանը, բարձրաձայն տվայտանքների մեջ ընկնելու փոխարեն, ճիշտ կանի իր երազանքների պահով դիմի տիկին Էրատոյին, ում հետ բավականին ջերմ հարաբերություններ ունի: Տիկին Էրատոն սերտ եւ ուղիղ կապի մեջ է իր ադրբեջանցի ընկերուհու հետ, ում խոստանում էր իրականություն դարձնել Արցախում մուղամ լսելու երազանքը, հիմա այդ երազանքը կատարվել է, եւ վստահ ենք, որ եւ Մեհրիբան Ալիեւան իր հերթին մեծահոգաբար կընդառաջի Աննա Հակոբյանին խնդրանքին՝ Սասուն Միքայելյանին զբոսանքի հնարավորություն տալ Շուշվա փողոցներում:

Հա, ի դեպ, տասն օր առաջ դուք չէիք, պարոն Միքայելյան, որ հայտարարում էիք, թե մենք չենք պարտվել: Բա էլ ինչ խնդիր կա, գնացեք եւ հաղթանակած հողի վրա ինքչան կուզեք, զբոսնեք՝ առանց սպասելու ձեր մեռնելուն կամ հանգուցյալ կյանքին:

Անի Սահակյան