Ով է իրականում Գագիկ Սողոմոնյանի հեղինակը

Ընդդիմության ակտիվությանը զուգահեռ Նիկոլ Փաշինյանի գոյություն չունեցող իշխանական ապարատն անցել ռեպրեսիաների՝ ընդդիմության գործիչների են անհեթեթե գործերով ձերբակալում,իրենց կողմից փայփայված քրեական հեղինակությունների ընդդիմադիրներին են ձերբակալում, ֆեյքերի որս է սկսված, իշխանական տականքի բերանով էլ Նիկոլ Փաշինյանը հայտարարում է, թե ապստամբության դեպքում կկրակի ժողովրդի վրա:

Նիկոլ Փաշինյանը մնացել է Գելափի հարցումների, իր ուժային կառույցների դավաճան հպատակների ռեպրեսիաների եւ մի քանի ուսապարկերի սպառնալից հայտարարությունների վրա: Այս մարդը խայտառակ կապիտուլացիայի ստորագրումից հետո ամեն ինչ արեց 44-օրյա պատերազմի պարտության, հինգ հազար զոհերի, հազարավոր հաշմանդամների մեղքը գցել նախկինների գրպանը, ամենաստոր մանիպուլացիաներն արեց, ամենաանհավանական միջոցները կիրառեց, ընդհուպ ասպատակեց Եռաբլուրը, սակայն հասկացավ, որ իր թիկունքում այլեւս ժողովուրդ չկա , անգամ վարչական ռեսուրսով հնարավոր չէ հանրահավաքներ անել, աջակիցներ գնել, դրանք մի քանի կամ լավագույն դեպքում մի քանի տասնյակ անգիտակից շերտ են, որոնց ամենակարկառուն ներկայացուցիչը հարբեցող դերասան Գնել Սարգսյանն է, ով Գյումրիում օրերս հայտարարեց, թե պատերազմին մենք հաղթել ենք:

Պատահական չէ, որ իրականության հետ այսպիսի դաժան առերեսումից հետո երբեմնի ժողվարչապետ, բայց հոգու խորքում բոլոր ժամանակներում բռնապետիկ մեծացած Փաշինյանը պետք է անցներ կոշտ մեթոդների, համատարած քրեական գործեր հարուցեր բոլոր այն շրջանակների նկատմամբ, որտեղից իր իշխանության դեմ ուղղված վախեր է նկատում: Սակայն ամենաաբսուրդը արդեն հանրահայտ դարձած Գագիկ Սողոմոնյան անունով ֆեյսբուքյան ֆեյքի գործն է: Այս գործի շչջանակներում մի քանի մարդու բերման ենթարկեցին, ձերբակալեցին, իսկ Արա Սսաղաթելյանին երկու ամսով կալանավորել են: Ակնհայտ է եւ իրավաբաններն արդեն խոսել են այս ֆեյքի գործի անհեթեթությունների մասին, ի վերջո, խոսքը մի օգտատիրոջ մասին է, որը պարբերաբար Նիկոլ Փաշինյանի ոճով հայհոյախառն, սկանդալային գրառումներ է անում: Հայաստանում վիրավորանքն ու զրպարտությունը դեռեւս ապաքրեականացված են ու աբսուրդ է այս գործով մարդկանց կալանավորելը:
Այս ֆեյքի գործը ցույց տվեց, թե իրականում ինչով է զբաղված մեր ԱԱԾ-ն: Գերիների հարցը թողած, սահմանազատումների հարցը թողած , ընդհանրապես պատերազմում իշխանությունների դավաճանությունների մասին հայտարարությունները թողած՝ հիշենք ԶՈՒ շտաբի պետի զգուշացումներ, Մովսես Հակոբյանի ցնցող բացահայտումներ , նահանջի, Շուշիի հանձնելու մասին հայտարարություններ , Շշուշիի բանկերի փողերի կորուստը ու հազար-հազար բան , Նիկոլ Փաշինյանի ԱԱԾ-ն զբաղված է մի ֆեյքի բացահայտմամբ, հոկտեմբերի 2-ից հետեւում են, թե ով է թաքնված այդ ֆեյքի հետեւում, որը պատերազմի օրերին էլ այնպիսի գաղտնի ինֆորմացիաներ էր տարածում, որոնք իշխանությունը ռազմական դրությամբ արգելել էր լրատվամիջոցներին:
Մյուս կողմից՝ Նիկոլ Փաշինյանը հասկացավ, որ չի կարելի լրատվամիջոցներին զրկել ինֆորմացիա հաղորդելուց, իսկ եթե դա անում ես, ապա պետք է պատրաստ լինես այլընտրանքային աղբյուրի՝ ի դեմս գագիսողոմոնյան ֆեյքերի: Եթե դու իրավունք ունես նման հայհոյախոս լեքսիկոնով գրառումներ անել ֆեյսբուքում, ապա պիտի պատրաստ լինես, որ քեզ քո լեզվով համարժեք պատասխան տվող է հայտնվելու: Այնպես որ Նիկոլ Փաշինյան, երբ լափառոշ կերպով փորձում ես փակել բոլորի բերանը, ուրեմն ստիպված ես վայելել քո երկվորյակին, որը քեզնից ոչնչով գրեթե չի տարբերվում, Գագիկ Սողոմոնյանը քո հայելային արտացոլումն է, քո լափաման բերանի բառաֆոնդն է, սա քո հոգեկերտվածն է, Գագիկ Սողոմոնյանը երկուսուկես տարվա քո ֆեյքահայաստանի իրականության ծնուննդն է: Դու այսդիպիսի գագիկսողոմանյաններ հարյուր-հարյուրներով ունես, որոնց բյուջեից փող ես տալիս:

Անի Սահակյան