Ադրբեջանը պատրաստվում է հաջորդ պատերազմին, իսկ Փաշինյանը սեփական աթոռը պահելով է զբաղված

Գյումրիում այսօր մի խումբ քաղաքացիներ հանրահավաք են կազմակերպել՝ ի աջակցություն Նիկոլ Փաշինյանի եւ ներկայիս իշխանությունների:

Հասկանալի է, որ հավաքը նախաձեռնել է Նիկոլ Փաշինյանն իր անձնական օգտագործման անհայրենիք դերասանների, հեղափոխության պահապանների, տեղական մանր ու միջին չինովնիկների ու կուսակցականների միջոցով: Ինչպես պատերազմից հետո էր կազմակերպել Հանրապետության հրապարակում: Ինչ աստիճանի պետք է ատես ղեկավարածդ պետությունը և ինչ աստիճանի աթոռապաշտ ու մորթապաշտ լինես , որ կապիտուլյացիան փառաբանող անհայրենիք տհասների հավաքես փողոցներում եւ ստիպես, որ կապիտուլյանտիտ գովքն անեն: Ինչպես որ անում էր Գյումրիում

դերասան Գնել Սարգսյանը, ով վերջերս ընտրվեց Նիկոլ Փաշինյանի գլխավորած «Քաղաքացիական պայմանագիր» կուսակցության խորհրդի անդամ: «Ես համարում եմ՝ մենք էս պատերազմը հաղթել ենք, քանի որ միասնական ենք եղել», ասում է այս խելքից պատուհասը շարունակելով՝ «Մենք տանուլ ենք տվել ճակատամարտը, բայց պատերազմը մենք ենք հաղթելու՝ մեր միասնականության շնորհիվ…: Այսօր շատ են հնչում խոսքեր, որ մեր ժողովուրդը պետք է լինի միասնական. դիմում եմ նման բաներ ասողներին՝ չգիտեմ, թե դուք որ ժողովրդի մասին եք խոսում, բայց մեր ժողովուրդը միասնական է: Այո՛, մի փոքր հուսահատություն կա, ծանր տրամադրություններ կան. իսկ դա բնական չէ՞ մի ժողովրդի համար, ով գրեթե ոչնչից բանակ էր ստեղծում ու երկու տարի հետո հարձակվեց իր վրա թշնամին: 44 օր հերոսական պայքար մղեց էն դեպքում, երբ անգամ էդ ընթացքում էլ էիք քանդում»:

Դժվար է ասել թասիբով ու նամուսով գյումրեցիներից քանիսը կային այդ հրապարակում, բայց ակնհայտ էր, որ այդ ՀՀ երկրորդ քաղաքում հավաքվածների զգալի մասը Հանրապետության հրապարակի կոնտինգենտն էր, զինվորական համազգեստ հագած այդ տգետ զանգվածը՝ հեռու հայրենիքի ընկալման եւ հայրենասիրության գաղափարից, եկել էր ասելու, որ Նիկոլը լավ է արել, Արցախը հանձնել է թշնամուն, լավ է անում, որ հիմա էլ Սյունիքն է տալիս իր կիրթ ու կառուցողական ընկերոջը:
Մի մարդ, ով ադրբեջանցիների հետ ասպատակեց Եռաբլուրը,պետք չէ զարմանալ, որ կարող է եւ նման հանրահավաքներ կազմակերպել:

Չէ, դուք պատկերացնում եք երկրի գերագույն դավաճանի աթոռապաշտության աստիճանը, աշխարհի ո՞ր երկրում է հանրահավաք եղել՝ ի պաշտպանություն կապիտուլյացիայի եւ կապիտուլյանտի:
Այս մադն այնքան անադեկվատ է դարձել, որ չի էլ հասկանում՝ երբ զինվորական հագուստ հագցրած մարդկանց բերում եւ երկրիդ սրտում կանգնացնելով ստիպում է, որ իրեն շնորհակալություն հայտնեն իր կապիտուլացիայի համար, վերացնում , ջնջում է պետությունը,աշխարհի առջեւ ազգին զրկում մի փոքրիկ հայրենիք պահպանելու բոլոր շանսերից:Փաշինյանի բեմադրած այս հանրահավաքները ոչնչացնում են մեր բանակի, այն է՝ մեր պետության լեգիտիմության վերջին բեկորները: Իսկ զուգահեռ ուսապարկ–պատգամավորներն էնտուզիազմով հայտարարում են, որ Սյունիքի տարածքները ադրբեջանական հողեր են և հիմնավորում, որ պետք է ճանապարհների տարբեր հատվածները զիջվեն Ադրբեջանին։ Սյունիքի ճանապարհները «GPS»–ով գրավելու ադրբեջանական քաղաքականությունը հուշում է, որ իրենք պատրաստվում են հաջորդ պատերազմին, որն արդեն Սյունիքի ու Հայաստանի մյուս տարածքների համար է լինելու։
Բայց Նիկոլ Փաշինյանի դա չի հետաքրքրում։ Ինքն իր աթոռի ու ֆիզիկական անվտանգության հարցն է լուծում։