Փաշինյա՛ն, քո Աշոտիկին բերելու համար, տղերքին ուղարկեցիր զոհվելու. Քո երեխու արյունը մերինից կարմիր ա՞. Անհետ կորածների ծնողներ (video)
100 օրից ավել է պահանջում ենք մեր երեխաներին, բայց պետությունը ոչ մի ձեւ աջակից չի լինում։ Այս մասին այսօր՝ փետրվարի 11–ին, Կառավարության դիմաց լրագրողների հետ զրույցում ասաց անհետ կորածի մայրը՝ Անահիտ Ադոյանը։
«Մենք պահանջում ենք, որ գերիների ցուցակները շուտ հաստատեն, մենք իմանանք, թե ովքեր են գերեվարված։ Ինչքա՞ն էսպես հուսալքված սպասենք»,– ասաց նա։
Հարազատների խոսքով՝ գործող իշխանությունը ոչինչ չի անում իրենց զավակներին վերադարձնելու համար:
Անհետ կորածի մեկ այլ հարազատ՝ Արսեն Ղուկասյանն էլ իր հերթին նշեց. «Իսկ մենք տվյալ ունենք, իհարկե, ես չեմ կարող դրա հավաստիության մասին 100 %-ով ասել, բայց կարող եմ ասել, որ պարոն վարչապետը մարդկանց ուղարկել է, նույնիսկ իմացել է, որ այդ մարդիկ կարող են հետ չգալ, ու շատերը հետ չեն եկել, որ իր Աշոտիկին բերի, ինչի Աշոտիկիդ արյունը մեր երեխեքի արյունից կարմի՞ր է, ինչի՞, եթե էդպես ուղարկող էին, գործողություններ կատարող էին, ես էլ եմ պահանջում թող գնային այդ մարդկանց բերեին, բայց ոչ թե գնային զոհվեին։ Ես ասում եմ մի լավ ռազվետչիկ մտներ անտառ էն 30 երեխուն կհաներ, բայց երեւի իրենց պետք չէր։ Մենք ռազվետչիկին գտել էինք, բայց չեն թողել, որ գնա»:
Մանրամասները՝ տեսանյութում.
Հետևեք մեզ Viber-ում
